Sot me datë 01 Tetor 2021, Ministria e Zhvillimit Rajonal zhvilloj takimin konsultativ në funksion të hartimit të projektligjit për zhvillim rajonal, takim i cili u realizua me ftesë të ministrit për zhvillim rajonal z. Fikrim Damka, ku morën pjesë z.Yildiray Bajram – shef i Kabinetit si dhe pjesëtarë tjerë nga strukturat udhëheqëse të MZHR-së.

Takimi kishte   për qëllim diskutimin dhe prezantimin e ecurisë së punës në kuadër të hartimit të draft projektligjit për zhvillim rajonal si dhe diskutimin e afateve kohore për finalizimin e këtij procesi.

Takimi u hap nga Ministri i Ministrisë së  Zhvillimit Rajonal z. Damka ku me pas takimi vijoj me një fjalë rasti nga Sekretari i përgjithshëm i Ministrisë së Zhvillimit Rajonal z. Besim Kamberaj. Kryesuesja e Grupit Punues znj. Vjendita Avdiu Musliu së bashku me Eksperten Ligjore të angazhuar nga GIZ dhe dy anëtarët tjerë nga Grupi Punues z. Arbnor Sadiku dhe znj. Shkendije Dinaj, njoftuan Ministrin e MZHR-së z.Fikrim Damka për procesin e deritanishëm të hartimit të projektligjit për zhvillim rajonal si dhe u diskutuan skemat e bartësve dhe strukturat organizative ekzistuese dhe ato që planifikohen rregullohen me këtë ligj në të ardhmen. Gjithashtu gjatë takimit u diskutuan pikëpamje dhe orientime strategjike që pretendohet të rregullohen me ligjin për zhvillim rajonal të cilat gjeneruan diskutime konstruktive në kuadër të takimit.

Takimi u mbyll nga Ministri i Ministrisë së Zhvillimit Rajonal z. Fikrim Damka i cili ofroj mbështetjen e tij të plotë në procesin e hartimit të projektligjit për zhvillim rajonal deri në përfundimin e këtij procesi.