Ministri i Zhvillimit Rajonal Fikrim Damka së bashku me znj.Ulrike Richardson - Koordinatore për Zhvillim të Kombeve të Bashkuara në Kosovë ka marr pjesë sot në debatin “Ndërmarrrësia, mundësi reale për të gjitha gratë dhe vajzat në Kosovë” organizaur nga OJQ Formumi për Lidhership dhe Diplomaci që udhëhiqet nga znj.Njomza Emini - Drejtoreshë Ekzekutive, kjo ngjarje u mbajt në hapsirat e UNDP-së.
 
Në këtë ngjarje ishin të pranishëm gra dhe vajza të reja që ishin pjesë e Akademisë së Ndërmarrësisë, zv.Sekretari i Përgjithshëm i MZHR-së, zyrtarë tjerë dhe mediat. Ngjarja u hap nga znj.Njmoza Emini me një diskutim për rolin e grave dhe vajzave si dhe rëndësinë e projektit që është përkrahur nga MZHR. Ministri i Zhvillimit Rajonal në fjalë rasti theksoi se MZHR me programet që përkrah shoqërinë civile ka përkrahur OJQ – Forumi për Lidership dhe Diplomaci me një projekt mjaft premtues për gratë dhe vajzat në Kosovë që ka për qëllim të përgadis kuadro për zhvillimin e biznesit në Kosovë. Ky projekt ‘’Akademia e Ndërmarrësis’’ nuk përfundon me kaq sepse MZHR programet i ka të ndërlidhura mes vete që nënkupton se pas ngritjes së kapaciteteve, idetë kreative për të bërë biznes përmes programeve të Startup si dhe përmes programeve të bizneseve ekzistuese janë një mundësi tjetër për të bërë biznes, duke gjeneruar vende të reja të punës dhe për të qenë të pavarur përmes vetëpunësimit duke zhvilluar biznesin e tyre.
 
Fjalë rasti dhe diskutim kishte e znj. Ulrike Richardson e cila theksoi se sa është e rëndësishme përfshirja e grave dhe vajzave, që është dëshmuar më së miri në pandemi COVID19 ku barra kryesore ju ka rënë grave duke u kujdesur për familjen, gjithashtu znj.Richardson kërkoi që institucionet të krijojnë hapsirë më të madhe për përfshirje të grave dhe vajzave si në fushën e ndërmarrësisë ashtu edhe në marrjen e përgjegjësive dhe në vendimarrje.
 
Ky debat u moderua nga znj.Adelina Emini, në debat kishte pyetje dhe diskutime ku panelistët kanë diskutuar dhe janë përgjegjur në pyetjet e parashtruara.