Sot më datë 12 Tetor 2021, MZHR organizoi punëtorin me Byronë për Zhvillim Rajonal të Republikës së Maqedonisë së Veriut. Qëllimi i kësaj punëtorie ishte fillimi i implementimit të Memorandumit të Bashkëpunimit në mes të dy Ministrive – Ministrisë së Zhvillimit Rajonal të Republikës së Kosovës dhe Ministrisë së Vetëqeverisjes Lokale të Republikës së Maqedonisë Veriore.

Me qëllim të shkëmbimit të përvojave nga proceset e ngjashme në mes dy shteteve u bënë prezantime nga të dyja palët. Sesioni i parë i punëtorisë filloi me prezantimin e të arriturave, vështirësive dhe synimeve të MZHR-së në Nismat Rajonale, Prezantimi i Programeve të MZHR-së, prezantim i Analizave për zhvillimin socio – ekonomik rajonal të balancuar në Kosovë si dhe prezantimi i “Strategjisë për Zhvillim Rajonal 2020-2030”.

Sesioni i dytë i punëtorisë vazhdoi punimet me prezantimin e modeleve dhe kronologjisë së themelimit, funksionimit dhe veprimtarisë së Byrosë për Zhvillim Rajonal të Republikës së Maqedonisë së Veriut. Gjithashtu u prezantuan kriteret për vlerësimin dhe monitorimin e zhvillimit rajonal si dhe financimi i zhvillimit rajonal të barabartë dhe qendrave të rajoneve planore në kuadër të ligjit për zhvillim të barabartë ne Maqedoninë e Veriut,

Po ashtu përfaqësuesja e AZHR-ve në Kosovë realizoi prezantimin dhe njoftimin për punët dhe të arriturat e AZHR-ve qysh nga themelimi i tyre deri më sot.

Andaj duke e cilësuar rendësin e bashkëpunimit mes dy ministrive palët u dakorduan për vazhdim të bashkëpunim me theks të veçantë sa i përket organizimit dhe funksionimit të zhvillimit rajonal

Në punëtori morën pjesë: z.Besim Kamberaj- zv.Sekratar i Përgjithshëm i MZHR-së, z.Ramiz Rexhepi Drejtor i Byrosë për Zhvillim Rajonal të Maqedonisë Veriore, z.Yildiray Bayram-Shef i kabinetit të ministrit të MZHR-së, përfaqësuesit e AZHR-ve, përfaqësueses nga Byroja për Zhvillim Rajonal të Republikës së Maqedonisë së Veriut , Drejtorët dhe zyrtarë nga MZHR.