Ministri i Zhvillimit Rajonal, z.Fikrim DAMKA, së bashku me delegacionin e tij, vizituan centralin e energjisë me erë GÜRİŞ në Kitkë të Kamenicës.

Ministri z.DAMKA, në takimin me zyrtarët dhe përfaqësuesit e GÜRİŞ-it mori informacione, lidhje me projektet e GÜRİŞ, i cili është lider në fushën e energjisë, industrisë dhe infrastrukturës. Perfaqësuesit e GÜRİŞ theksuan se dëshirojn t'i shërbejnë Kosovës duke investuar në këto fusha, dhe mënyrat për të krijuar më shumë mundësi punësimi si dhe rritjen e investimeve në të ardhmen. GÜRİŞ Holding A.Ş. është një nga kompanitë kryesore në Turqisë në fushën e ndërtimit, industrisë, aviacionit dhe energjisë.

Në takim u shkëmbyen informata për të zhvilluar dhe zgjeruar aktivitetet e këtij investitori gjigant si dhe për hapat që duhen ndërmarrë për të dhënë stimuj dhe mbështetje për të hartuar një udhëzues që do të drejtojë zhvillimin e këtij sektori.

Zyrtarët e GÜRİŞ Holding, investitori më i madh i energjisë së erës në Turqi dhe në të njejtën kohë lider në gjeotermale, deklaruan se kanë objektiva investimi që mund të bëhen në Kosovë dhe se po angazhohen me staf shumë të specializuar në ketë fushë. Po ashtu theksuan se si kompani, në Komunën e Kamenicës kanë filluar të punojnë edhe në projektet hibride, që është edhe një projekt në përgaditje e sipër, projekt i energjisë i cili është nga era ashtu dhe nga panelët diellor.

Në vizitën në Kitkë, në centralin e energjisë me erë në Kosovë me kapacitet 32.4 MW, Ministri z.Damka i uroi suksese në punë përfaqësuesve dhe punonjësve të kompanisë GÜRİŞ.