Përfaqësues të Ministrisë së Zhvillimit Rajonal z. Blerim Hasani, Drejtor i Departamentit për Planifikim dhe Analiza Socio Ekonomike dhe znj. Vjendita Avdiu Musliu, Udhëheqëse e Divizionit për Zhvillim Rajonal të Balancuar mbajtën takim virtual me përfaqësuesit nga GIZ, konkretisht z. Jeton Oruqi dhe znj. Vjollca Behluli.

 Në këtë takim, u diskutua lidhur me përfundimin e aktiviteteve të fundit të vitit 2021 dhe fillimin e aktiviteteve të para të përbashkëta në vitin 2022, ashtu siç janë paraparë në memorandumin e përbashkët të bashkëpunimit. Në këtë kuptim, disa nga aktivitetet të cilat u diskutuan në takim, ishin: finalizimi i Draft – Analizës së Investimeve Kapitale sipas rajoneve zhvillimore 2018-2020, Draft – Konceptit të Brendeve Rajonale, Draft – Studimi i Fizibilitetit në fushën e zhvillimit rajonal, etj. Më ktë rast, në kuadër të përkrahjes që GIZ po i jep MZHR-së, prezantoj edhe konsulentin e angazhuar z. Berat Abdiun, për përkrahje profesionale ndaj Departamentit për Planifikim dhe Analiza Socio – Ekonomike Rajonale/MZHR, lidhur me finalizimin e dokumenteve analitike të parapara për vitin 2021 dhe fillimin e vitit 2022.

Palët ne takim, u dakorduan për vazhdimin më intensiv të komunikimit qoftë përmes metodës virtuale apo fizike, me qëllim të përmbylljes së suksesshme të planifikimeve të parapara për vitin 2021, si dhe arritjes së dakordimeve për fillimin e aktiviteteve të para për vitin 2022.