Ministri Zhvillimit Rajonal, z.Fikrim Damka sot mori pjesë në takimin për zhvillimin e marrëdhënieve trepalëshe socio-ekonomike në Shkup-Maqedoni, ndërmjet Turqisë - Maqedonisë së Veriut - Kosovës, në bashkëpunim me Odën Ekonomike të Turqisë në Maqedoni-MATTO, Odën Ekonomike të Turqisë në Kosovë-KTTO dhe Shoqata e Afaristëve dhe Zejtarëve në Maqedoni-Shkup "Esnaf".

Në takim morën pjesë: zëvendëskryeministri për Ekonomi i Republikës së Maqedonisë së Veriut Fatmir Bytyqi, ambasadori i R.T. në Shkup Hasan Mehmet Sekizkök, Kryetari i MATTO-s Aydoğan Ademoski, nënkryetari i KTTO-së Ayhan Demirkan dhe kryetari i Shoqatës së Esnaf Varis Xhejlani.

Ministri z. Damka, i cili mori fjalën tha: “Përkrahja e vëllimit ekzistues tregtar dhe investimeve Turqi-Maqedoni e Veriut-Kosovë për ekonomitë tona është e një rëndësie të madhe. Nuk kam asnjë dyshim se konsultimet dhe pjesëmarrjet që do të bëhen në këtë dhe në këto takime që jemi sot këtu do t'i forcojnë lidhjet tona ekonomike dhe tregtare së bashku me lidhjet tona historike dhe kulturore.

Si Ministri e Zhvillimit Rajonal të Kosovës, ne do të vazhdojmë të mbështesim bizneset dhe sipërmarrësit si gjatë dhe pas pandemisë. Buxheti i Kosovës për vitin 2022 është në proces miratimi në Kuvendin e Kosovës. Pas miratimit të buxhetit, ne do të paraqesim për miratim në qeveri Ligjin e Zhvillimit të Rajonal, të cilit i kemi ardhur në përfundim të studimeve. Me miratimin e ligjit, ne synojmë t'u ofrojmë investitorëve tanë mundësi investimi më gjithëpërfshirëse dhe të shëndetshme në rajonet tona. Kështu, dëshiroj të theksoj se për ju biznesmenë, do të vazhdoni të kontribuoni për qytetarët tanë dhe botën e biznesit në këtë periudhë të re, me investimet tuaja sipërmarrëse, progresive, mjedisore, të zgjuara dhe të qëndrueshme, si dhe me mbështetjen dhe stimulimin tonë.

Ne vazhdojmë përpjekjet tona për të rritur vëllimin e mundshëm tregtar dhe ekonomik ekzistues duke i afruar vendet dhe qytetet tona më pranë njëri-tjetrit dhe duke hequr barrierat në rajon dhe për të bërë investime strategjike duke ofruar mundësi më të mira për investitorët.

Në ditët në vijim dy zëvendëskryeministra dhe dy ministra do të vizitojnë dhomat e tregtisë me pjesëmarrjen e biznesmenëve tanë në linjën Bursa-Ankara-Stamboll dhe synojmë të rrisim investimet duke forcuar bashkëpunimin tonë.

Besoj se bashkëpunimi që do të vendoset mes dhomave të tregtisë, mundësitë e reja investimi që do të krijohen nga Turqia në Ballkan dhe studimet e planifikuara për të kryer në fushën socio-ekonomike në rajon do të japin rezultate të prekshme në një kohë të shkurtër.

Takimi vazhdoi me prezantime mbi të dhënat ekonomike dhe mundësitë për investime dhe u mbyll me një koktej rasti.