Ministri i Ministrisë së Zhvillimit Rajonal z. Fikrim Damka, ka pritur në takim Shefin e Zyrës së Bankës Evropiane për Rindërtim dhe Zhvillim (BERZH) në Prishtinë z. Neil Taylor.

Realizimi i këtij takimi, u bë më qëllim të diskutimit të rezultateve të deritanishme të bashkëpunimit të realizuara në vitin 2020 – 2021, ndërmjet: MZHR-së dhe BERZH-it, si dhe me qëllim të shqyrtimit të mundësive shtesë për bashkëpunim në të ardhmen. Të dyja palët, vlerësuan lartë bashkëpunimin e deritanishëm dhe rezultatet e arritura, në aspekt të përkrahjes së bizneseve mikro dhe të vogla në Kosovë. Megjithatë, shqyrtuan edhe disa mundësi shtesë për bashkëpunim në vitin 2022 dhe vitet tjera në vijim, gjithnjë me qëllim të përkrahjes së bizneseve qoftë përmes ngritjes së kapaciteteve të tyre, apo edhe përkrahjes në forma tjera.

Në fund, marrë për bazë të gjitha temat dhe çështjet e diskutuara, si konkluzion i këtij takimi doli që grupet profesionale të MZHR-së dhe  BERZH-it, të përgatisin një aneks të letrës në fuqi të bashkëpunimit të palëve, me objektiva dhe aktivitete shtesë të bashkëpunimit për vitet e ardhshme.