Zëvendësministri i Ministrisë së Zhvillimit Rajonal z. Agon Dobruna, takon Ambasadorin e Republikës së Malit të Zi në Kosovë z. Mirsad Bibović.

Në takim bashkë me Zëvendësministrin Dobruna, morën pjesë edhe z. Yildiray Bayram, Shef i Kabinetit të Ministrit të Zhvillimit Rajonal z. Fikrim Damka dhe z. Blerim Hasani, Drejtor i Departamentit për Planifikim dhe Analiza Socio Ekonomike Rajonale.

Zëvendësministri Dobruna dhe Ambasadori Bibović, diskutuan një mori të temave dhe mundësive për bashkëpunim Kosovë – Mali i Zi, në fushën e zhvillimit rajonal të balancuar. Një prej arsyeve të realizimit të këtij takimi, ishte edhe ajo që Zëvendësministri Dobruna ta njoftojë Ambasadorin Bibović, lidhur me organizimin e konferencës ndërkombëtare në fushën e zhvillimit rajonal të cilin MZHR do ta realizojë në vitin 2022, ku e ftuar do të jetë edhe Republika e Malit të Zi. Për këtë aktivitet, z. Dobruna i kërkojë bashkëpunim znj. Jusufi, për organizimin dhe procedimin e ftesave dhe komunikimeve tjera përmes ambasadës tek përfaqësuesit kompetent të zhvillimit rajonal të Republikës së Malit të Zi. Gjithashtu, Zëvendësministri Dobruna, kërkojë nga Ambasadori Bibović, ofrimin e përkrahjes së tij për organizimin e një vizitë zyrtare të Ministrit Damka me Ministrin përkatës homolog të Republikës së Malit të Zi, ku kjo vizitë besojmë se do të jetë e dobishme në funksion të inicimit apo realizimit të ndonjë bashkëpunimi ndër-institucional.

Ambasadori Bibović, e mirëpriti dhe e vlerësojë lartë planin e MZHR-së për organizimin e një konference ndërkombëtare në fushën e zhvillimit rajonal, duke theksuar se kjo është një mundësi shumë e mirë, se përveç shkëmbimit të përvojave dhe mësimeve të mira në fushën e zhvillimit rajonal, nga konferenca mund të dalin edhe rezultate konkrete në kontekst të inicimit të ndonjë bashkëpunimi ndër-shtetëror apo edhe ndër-institucional ndërmjet pjesëmarrësve në konferencë. Ndërsa, lidhur me organizimin e konferencës dhe realizimin e komunikimeve me përfaqësuesit e Malit të Zi, qoftë edhe për organizimin e vizitës së Ministrit të MZHR-së z. Fikrim Damka, z. Bibović i ofrojë z. Dobruna gatishmërinë e tij dhe përkushtimin maksimal edhe të gjithë stafit të ambasadës.  Palët u pajtuan që të vazhdojnë komunikimin lidhur me konkretizimin dhe realizimin e aktiviteteve konkrete në të ardhmen.