Më datë 13.01.2022 ministri i MZHR-së z.Fikrim Damka, priti në takim Kryetarin e Odës së Afarizmit të Kosovës z.Skënder Krasniqi. Në takim u diskutuan prioritetet të cilat i ka vendosur MZHR për vitin 2022 dhe paraqitja e nevojave dhe kërkesave të komunitetit të biznesit.

Ndër të tjera gjatë këtij takimi u diskutua tema të ndryshme, Ministri z.Damka në fokus kishte zonat ekonomike, ngritja e kapaciteteve, përkrahja e bizneseve dhe OSHC-ve si dhe sfidat me të cilat po ballafaqohet sektori privat në vend.

Ministri z.Damka u shpreh i hapur për bashkëpunim me Odën e Afarizmit të Kosovës, me qëllim që së bashku të evidentohen dhe tejkalohen sfidat të cilat hasen gjatë operimit të sektorit privat.

Në takim morën pjesë: z.Fikrim Damka – Ministër i MZHR-së, z.Skënder Krasniqi – Kryetar i Odës së Afarizmit të Kosovës, znj.Qëndresa Ibrahimi- Koordinatore në OAK, znj.Mirjeta Shala –zyrtare për komunikim me biznese në OAK, z.Ergin Bunjaku- këshilltar i lartë i ministrit si dhe z.Ercan Silik – këshilltar i ministrit.