Ministri i Zhvillimit Rajonal (MZHR-së) z.Fikrim Damka sot me datë 21.01.2022 realizoj takim pune me Kryetarin e komunës së Deçanit z. Bashkim Ramosaj.

Temë e takimit ishte informimi dhe bisedimi për projekt propozimet që kanë për qëllim të kontribuojë në krijimin e kushteve për zhvillimin e ekonomik rajonal që janë të qëndrueshme dhe promovojnë zhvillimin socio-ekonomik, mjedisor dhe kulturor të balancuar.

Në këtë takim Kryetari i Komunës z. Ramosaj si dhe Drejtorët e Drejtorive përkatëse u informuan për Skemën e Garantëve -Programi i Zhvillimit Rajonal, njëkohësisht të njëjtit u inkurajuan që Komuna e tyre të aplikojnë me projekte - propozime konkrete kapitale që ndikojnë në zhvillimin socio-ekonomik rajonal.

Ministri z. Fikrim Damka gjatë vizitës u shoqërua nga z.Besim Kambjeraj – zv.Sekretar i Përgjithshëm, Ercan Şilik – Keshilltari i Ministri, z. Ylber Çitaku – zv. Drejtor i DZHR-së dhe znj. Arta Maloku – Udhëheqëse e DKP-së.