Sot më datë 08 Mars 2022, Ministri i Zhvillimit Rajonal Fikrim Damka vizitoi Unionin Shqiptar në Republikën e Kroacisë, ku u takua me Kryetarin e Unionit Esad Çollaku,

Delegacionin nga Kosova i përberë nga Ministrin z. Fikrim Damka, zv. Ministrin z. Agon Dobruna, Këshilltarin e Lartë politik z. Ergin Bunjaku dhe Drejtoreshën e Departamentit për Planifikim e Analiza Socio-Ekonomike znj. Vjendita Avdiu Musliu.Bashkë u priten nga Kryetari i Unionit Esad Çollaku, bashkë me anëtarë të tjerë të Bashkësisë Shqiptare të Prefekturës së Zagrebit, Grupit Kukturor Shkendia, e anëtarë të tjerë të Unionit.

Në këtë takim u prezantua Unionin dhe deget e tij, duke prezantuar punën që bën, investimet për hapjen e Shtëpive të Kulturës nëpër 6 prefektura të Kroacisë, për 17 shkollat ne gjuhen Shqipe në Republikën e Kroacisë, për bashkëpunimin e mirë me Ambasadën e Republikës së Kosovës, Ambasadën e Republikës së Shqipërisë si dhe Ambasadën e Republikës së Maqedonisë së Veriut, si dhe bashkëpunimin e afërt me deputeten Shqiptare në Parlamentin Kroat znj. Ermina Lekaj Prljaskaj.

Në bashkëbisedim e sipër Kryetari Çollaku gjithashtu përmendi edhe sakrificat e Shqiptarëve të cilat ishin bukur të mëdha ndër vite.

Takimi vazhdoi me bashkëbisedim, diskutim dhe shkëmbim të përvojave, si dhe u theksua se do të ketë rritje të bashkëpunimit në Mes të Qeverisë së Kosovës dhe Qeverisë Kroate në mbrojtjen e të drejtave të komunitetit Shqiptar në Kroaci.