Sot më datë 19.05.2022, Zëvendësministri i Ministrisë së Zhvillimit Rajonal z.Agon Dobruna së bashku me z. Ergin Bunjaku - Këshilltar i lartë i Ministrit dhe znj.Arta Maloku- Udhëheqëse e DKP-së morën pjesë në ceremoninë e nënshkrimit të marrëveshjes së bashkëpunimit në mes Caritasit Zviceran dhe Komunës së Hanit të Elezit për projektin “Ndikimi i rinisë në mjedis- në kuadër projektit YENI”.

Caritasi Zviceran dhe Komuna e Hanit të Elezit nënshkruan marrëveshje bashkëpunimi tre (3) vjeçare në përputhje me prioritetet e Ministrisë së Zhvillimit Rajonal dhe Caritasit Zviceran në fushat e mbrojtjes së mjedisit.

Ky projekt ka për qëllim që të përmirësoj veprimin klimatik dhe mbrojtjen e mjedisit, kuadër të kësaj marrëveshje aktivitetet do të realizohen në shkollat e mesme të komunës së Hanit të Elezit, aktivitete këto priten që të përmirësojnë veprimin klimatik dhe mbrojtjen e mjedisit.

Të pranishmit në këtë takim vlerësuan lartë këtë marrëveshje bashkëpunimit dhe implementimin e tij në komunën e Hanit të Elezit.

Projekti YENI bashkëfinancohet nga Ministria e Zhvillimit Rajonal të Kosovës dhe Caritasit Zvicëran dhe do të mbulojë periudhën deri në fund të vitit 2024.