Më datë 30 maj 2022, Ministri i Zhvillimit Rajonal z.,Fikrim Damka mori pjesë në hapjen e edicionit të pestë të Javës së Zhvillimit të Qëndrueshëm në Kosovë, në Parkun e Trajnimit dhe Inovacionit, në Prizren.

Në ketë ceremoninë të hapjes së Javës së të Qëndrueshëm në Kosovë, morën pjesë figura të larta politik vendore dhe ndërkombëtare si: znj.Vjosa Osmani - Presidente e Republikës së Kosovës ( e cila mbajti fjali Online), zAlbin Kurti – Kryeministër i Republikës së Kosovës, z.Fikrim Damka – Ministër i Zhvillimit Rajonal, znj.Artane Rizvanolli- Ministre e Ekonomisë, z.Tomas Szunyog – Përfaqësues Special i BE-së në Kosovë, z.Jorn Rohed – Ambasadori Gjerman në Kosovë.

Edicioni i pestë i Javës së Zhvillimit të Qëndrueshëm (KSDË) 2022 nis më datë 30 maj 2022 dhe mbahet deri më 10 qershor 2022. Kjo mbetet ngjarja më e madhe për zhvillim të qëndrueshëm në Kosovë dhe në rajon. KSDË 2022 organizohet në partneritet mes Ministrisë së Zhvillimit Rajonal Ministrisë së Ekonomisë, Ministrisë së Mjedisit, Planifikimit Hapësinor dhe Infrastrukturës, Zyrës së Përfaqësuesit Special të BE-së në Kosovë, GIZ, Institutit për Politika Zhvillimore (INDEP) dhe Balkan Green Foundation (BGF).