Në vazhdën e takimeve me donatorë dje u mbajt edhe takimi i radhës në mes të MZHR-së dhe UNDP-së, më datë 21.06.2022, z. Besim Kamberaj- zv.Sekretar i Përgjithshëm i Ministrisë së Zhvillimit Rajonal me bashkëpunëtor  priti në takim përfaqësuesin e UNDP-së, ku temë kryesore e këtij takimi  ishte bashkëpunimi në të ardhmen në projektet që kanë impakt në zhvillimin ekonomik rajonal të balancuar duke përfshirë këtu edhe agjendën e gjelbër.

Z. Besim Kamberaj - zv.Sekretar i Përgjithshëm i MZHR-së falënderoi përfaqësuesit nga UNDP-së, me ç ‘rast potencoi se Ministria është e gatshme të bashkëpunojë me UNDP lidhur me projektet që kanë impakt dhe ndikim të dukshëm në zhvillimin socio-ekonomik rajonal në vend si dhe në zhvillimin e dokumenteve përmes ofrimit të ekspertizës.

Përfaqësuesja e Zyrës së UNDP-së në Kosovë znj. Valbona Bogujevci shpjegoi detajet e aktiviteteve dhe programeve të cilat është duke i implementuar Zyra e UNDP-së në Kosovë dhe po ashtu shprehi gatishmërinë të bashkëpunoj edhe me MZHR-në në të ardhmen, ky bashkëpunim pritet të formalizohet së shpejti përmes një letre bashkëpunimi midis MZHR-es dhe UNDP-së.

Në takim morën pjesë: z. Besim Kamberaj –zv.Sekretar i Përgjithshëm i MZHR-së, znj Refike Sulcevsi – Drejtoresh e Departamentit për Koordinim të Politikave dhe integrime Evropiane,   z. Arbnor Sadiku – Udhëheqës i  i Divizionit për Integrime Evropiane, përfaqësuesja nga UNDP znj, Valbona Bogujevci.