Sot, me datë 18 Korrik 2022, u realizua takimi i përbashkët mes Ministrisë së Zhvillimit Rajonal dhe Institucionit të arsimit të lartë – UBT, në të cilin takim u diskutua rreth sinergjive të përbashkëta të bashkëpunimit mes dy Institucioneve për të avancuar më tejë zhvillimin socio-ekonomik rajonal përmes aktiviteteve specifike në identifikimin e indikatorëve të zhvillimit rajonal, krijimin e një Platforme online per Indekset e zhvillimit rajonal si dhe vizualizimin e të dhënave dhe përditësimin e vazhdueshem i tyre.

Ky takim pritet të finalizohet me arritjen e një memorandimi të përbashkët bashkëpunimi mes dy Institucioneve për një bashkëpunim afatgjatë për të çuar më tej politikat e zhvillimit rajonal.

Në takim morën pjesë zv.Sekretari I MZHR-së z. Besim Kamberaj, zv.Drejtoreshë e DPASER znj. Vjendita Avdiu Musliu, Udhëheqëse e Divizionit për Performancë Socio-Ekonomike Rajonale znj. Fatmire Thaci, znj. Blinda Bytyqi, Konsulente për Zhvillim Rajonal të Balancuar si dhe drejtori i Institutit në UBT, z.Shqiprim Ahmeti dhe profesor z. Hazer Dana.