Ministria e Zhvillimit Rajonal, sot me datë 21 Korrik 2022 organizojë ceremoninë e nënshkrimit të kontratave me 351 përfituesit nga skema e granteve Programi për Zhvillim Rajonal të Balacuar PZHRB 2022.
Në këtë ceremoni, morën pjesë: Kryeministri i Republikës së Kosovës z. Albin Kurti, Ministri i Zhvillimit Rajonal z. Fikrim Damka, znj.Leonora Kusari -Menagjere e BERZH për Kosovë, zv.Ministrat e MZHR-së z.Agon Dobruna dhe z.Almir Veliji si dhe zv. Sekretari i Përgjithshëm i MZHR-së z. Besim Kamberaj.
Ministri Damka në fjalën hyrëse falënderoi Kryeministrin e Republikës së Kosovës, z.Albin Kurti për përkrahjen e treguar për Ministrinë e Zhvillimit Rajonal, kjo për faktin që vlera e granteve është rritur nga 1.3 mil € në 3 mil €. Me këtë rast është rritur konsiderueshëm edhe numri i përfitueseve, ku përfitojnë bizneset dhe njëkohësisht rritet numri i punëtorëve të rinj në nivel vendi. Me mbështetjen e vazhdueshëm të Qeverise edhe njëherë është treguar se kjo Qeveri ka prioritet zhvillimin ekomomik të vendit.
Në fund Ministri z.Damka urojë 351 përfituesit nga skema e garantëve PZHRB 2022 që të përmbyllin me sukses projektet e tyre, si dhe theksoj që nga këto biznese pritet të gjenerohen rreth 1000 vende të reja të punës.
Kryeministri i Republikës së Kosovës z.Albin Kurti, në emër të Qeverisë së Republikës se Kosovës uroj të gjithë përfituesve në kuadër të Programit për Zhvillim Rajonal të Balancuar 2022 suksese dhe punë të mbarë në zbatim të projekteve. Po ashtu theksoi se ‘’Programi për Zhvillim Rajonal të Balancuar” është edhe një tjetër skemë përkrahëse të cilën e kemi dizajnuar së bashku. Ajo synon zhvillimin socio-ekonomik të rajoneve zhvillimore përmes krijimit të vendeve të reja të punës, përkrahjes së bizneseve të reja dhe atyre prodhuese, me qëllim të zvogëlimit të importeve. Kjo është edhe një dëshmi që ne të jemi të përkushtuar që të përkrahim sektorin privat në shërbim të zhvillim të gjithmbarshëm ekonomik’’.
Në fund Kryeministri z.Kurti falënderoj Ministrin e Zhvillimit Rajonal, z.Fikrim Damka dhe stafin e MZHR-së për punën dhe angazhimin dhe ju uroj sukses në zbatimin e këtij programi
Gjithashtu znj. Leonora Kusari – menaxhere e BERZH për Kosovë uroj përfituesit e skemës së garantëve PZHRB 2022 dhe falënderoj MZHR-n për bashkëpunimin si dhe njoftoj të pranishmit për mundësinë e përfitimit të njofturive nga programet e përbashkëta BERZH-MZHR në fushën e menaxhimit dhe financave.
Pas mbarimit të fjalimeve, u realizua nënshkrimi i kontratave ndërmjet MZHR-së dhe Skema e Granteve Programi për Zhvillim Rajonal i Balancuar PZHRB 2022 të ndarë në grupe.
