Sot më datë 10.08.2022, z.Ylber Çitaku – zv.Drejtor në Departamentin për Zhvillim Rajonal në MZHR mori pjesë në ceremoninë e nënshkrimit të marrëveshjes së bashkëpunimit në mes CARITAS-it Zviceran dhe Komunës së Prishtinës për projektin “Ndikimi i rinisë në mjedis- në kuadër projektit YENI”.

CARITAS-i Zviceran dhe Komuna e Prishtinës nënshkruan marrëveshje bashkëpunimi tre (3) vjeçare në përputhje me prioritetet e Ministrisë së Zhvillimit Rajonal dhe CARITAS-it Zviceran në fushat e mbrojtjes së mjedisit.

Ky projekt ka për qëllim që të përmirësoj veprimin klimatik dhe mbrojtjen e mjedisit, në kuadër të kësaj marrëveshje aktivitetet do të realizohen në 13 Shkolla të Mesme të Larta të komunës së Prishtinës, këto aktivitete pritet që të përmirësojnë veprimin klimatik dhe mbrojtjen e mjedisit.

Përfaqësuesit e Caritasit Zviceran dhe Ministrisë së Zhvillimit Rajonal u priten nga Drejtoresha e Drejtorisë për Arsim znj.Besiana Musmurati, të pranishmit në këtë takim vlerësuan lartë këtë marrëveshje bashkëpunimi dhe u zotuan se do të punohet me përkushtim në implementimin e këti Projekti në trembëdhjetë (13) Shkolla të Mesme të Larta (SHML) të Komunës së Prishtinës.  

Projekti YENI bashkë financohet nga Ministria e Zhvillimit Rajonal e Kosovës dhe CARITAS-i Zviceran dhe do të mbulojë periudhën deri në fund të vitit 2024.