Sot më datë 23 Gusht 2022, po mbahet dita e parë e Sesionit Informues dhe punëtorisë mbi Thirrjen për Projekt-Ide për Investime Kapitale dita e parë organizuar nga Ministria e Zhvillimit Rajonal (MZHR) në partneritet me UN-Habitat Kosovë.
Punëtoria u hap nga z.Besim Kamberaj – zv.Sekratar i Përgjithshëm i MZHR-së, i përshëndeti të pranishmit në punëtori dhe theksoi që kjo punëtori do të jetë një mundësi e mirë që bashkërisht të diskutojmë mundësitë për një zhvillim të qëndrueshëm socio-ekonomik rajonal dhe të eksplorojë të kuptuarit e elementeve kyçe të zhvillimit rajonal dhe zbatimin efektiv të tij në praktikë, më pas z.Kamberaj i’a kaloni fjalën z.Agon Dobruna – Zëvendësministër i Ministrisë së Zhvillimit Rajonal.
Zëvendësministri z.Dobruna, falënderoi të pranishmit dhe citoi që është mundësi e mirë që bashkërisht të diskutojmë mundësitë për një zhvillim të qëndrueshëm socio-ekonomik rajonal dhe të eksplorojë të kuptuarit e elementeve kyçe të zhvillimit rajonal dhe zbatimin efektiv të tij në praktikë. Njohja e substancës së zhvillimit rajonal do të krijojë një bazament të qëndrueshëm për zyrtarët publikë (të nivelit lokal dhe qendror) që të përshtatin më mirë politikat, të bëjnë intervenime adekuate dhe të zhvillojnë projekte të investimeve kapitale të bazuara në vend që do të nxisin një zhvillim të balancuar socio-ekonomik të rajoneve në Kosovë.
Punëtoria vazhdoi punimet me fjalë rasti sipas agjendës nga z.Hanrik Riby – Ambasada Suedeze në Prishtinë
Qëllimi i Punëtorisë - Sesionin Informues para-përgatitorë mbi Thirrjen për Projekt-Ide për Investime Kapitale është të eksplorojë të kuptuarit e elementeve kyçe të zhvillimit rajonal dhe zbatimin efektiv të tij në praktikë. Njohja e substancës së zhvillimit rajonal do të krijojë një bazament të qëndrueshëm për zyrtarët publikë (të nivelit lokal dhe qendror) që të përshtatin më mirë politikat, të bëjnë intervenime adekuate dhe të zhvillojnë projekte të investimeve kapitale të bazuara në vend që do nxisin një zhvillim të balancuar socio-ekonomik të rajoneve në Kosovë.
Sesioni i dytë e punëtorisë filloj punimet me Objektivat e Strategjisë për Zhvillim Rajonal dhe objektivat e thirrjes për projekt-ide, punimet vazhduan me prezantimet nga z.Arbnor Sadiku-Udhëheqës i Divizionit për Integrime Evropiane dhe Znj. Vjendita Avdiu Musliu – Udhëheqëse e Divizionit për Zhvillim Rajonal të Balancuar dhe znj.Jeta Nushi -Udhëheqëse e Divizionit për Zhvillim dhe Menaxhim të Projekteve të cilët prezantuan, objektivat e Strategjisë për Zhvillim Rajonal, Analiza e Investimeve Kapitale nga niveli Qendror në nivel Lokal dhe qëllimi dhe objektivat e thirrjes për projekt-ide për investime kapitale.
Sesioni i tretë i punëtorisë vazhdoi punimet me temën aplikimi i qasjes së integruar në identifikimin dhe zhvillimin e projekt propozimeve, ndërlidhja e potencialeve, nevojave dhe prioriteteve të komunave me vizionin e rajoneve zhvillimore, si dhe përkthimi i tyre në projekt-ide prezantim i realizuar nga Znj. Besnike Kocani, Këshilltare për planifikim hapësinor/urban UN-Habitat.
Sesioni i katërt i punëtorisë vazhdoni Kriteret, procesi i aplikimit dhe procedurat e përzgjedhjes prezantim i realizuar nga z.. Ylber Çitaku, U.D. i Drejtorit për Zhvillim Rajonal
Sesioni i pastë vazhdoi me Identifikimin dhe zhvillimin e projekteve për investim kapital (simulim) , njoftim me procesin dhe hapat e punës i prezantuar nga znj. Besnike Kocani, dhe me pas sesioni i fundit i punëtorisë vazhdoi punimet me krijimin e pesë grupeve punuese.
Dita e parë e Sesionit Informues dhe punëtorisë mbi Thirrjen për Projekt-Ide për Investime Kapitale pwrfundoi duke nxjerrë konkluzionet, rekomandimet dhe hapat që duhet të ndermirën në të ardhmen. Konkluzionet u nxjerrën nga z.Besim Kamberaj – zv.Sekretar i Përgjithshëm i MZHR-së dhe znj.Besnike Kacani këshilltare për planifikim hapësinor/urban në UN-Habitat Kosovë.
