Ministria e Zhvillimit Rajonal, sot më datë 04.10.2022, mbajti punëtorinë një ditore me qëllim të prezantimit të arriturave, realizimin e Planit Strategjik dhe Operacional (PSO) 2022 si dhe sfidat e MZHR-së për v.2022’’

Në punëtori morën pjesë: Ministri z.Fikrim Damka, z.Agon Dobruna zv.Ministër, z.Besim Kamberaj – zv.Sekretari i Përgjithshëm, këshilltaret politik të Ministrit si dhe Drejtorët e Departamenteve dhe Udhëheqës të Divizioneve dhe Njësive të Veçanta në MZHR.

Fillimisht, Ministri z.Fikrim Damka falënderojë të gjithë punonjësit e Ministrisë për bashkëpunimin dhe angazhimin e lartë. Ministri theksoi që MZHR në PSO të Qeverisë ka të planifikuara 13 nën-qëllime strategjike, 27 objektiva operaciale dhe 116 tregues të proceseve, prej tyre në gjashtë-mujorin e parë ka të planifikuara 40 ku ka arritur 38 i realizoj me sukses, kurse dy aktivitete është në proces të realizimit. Këtë rezultat MZHR ka arritur falë një bashkëpunimi të mirë të stafit të MZHR-së, përfshirë stafin politik dhe stafin civil, si dhe në mënyrë sistematike ka adresuar të gjitha aktivitetet që të realizohen në periudhën e paraparë të realizimit gjë që e dëshmon edhe raporti i fundit i organizatës FOL, ku MZHR renditet ministria e parë me përqindjen më të lartë të realizimit të PSO në gjashtë mujorin e parë 2022.

Punëtoria në fjalë, u realizua mbi bazën e një axhende të ngjeshur të ndarë në katër (4) Sesione, ku në sesionin e parë sipas agjendës u realizua prezantimi i të arriturave dhe sfidave në përmbushjen e planit të punës së vitin 2022, prezantim ky që u realizua nga z.Besim Kamberaj -zv. Sekretar i Përgjithshëm i MZHR-së.

Në sesionin e dytë dhe të tretë të punëtorisë u realizuan prezantime për të arriturat dhe sfidat përmbushjen e planit të punës së vitin 2022 nga të gjitha departamentet dhe divizionet e veçanta të MZHR-së. Në sesionin e katërt (4) dhe të fundit u diskutuan aktivitete kryesore të MZHR-së për v.2022.