Sot me datë, 24 Tetor 2022, Departmenti për Planifikim dhe Analiza Socio Ekonomike Rajonale (DPASER) në bashkëpunim me Agjensionin për Zhvillim Rajonal Qendër (AZHR Qendër), realizuan takimin e përbashkët me Drejtoritë për Zhvillim Ekonomik si dhe përfaqësues nga Departamenti i Turizmit të secilës komunë ku u konsultua draft dokumenti ’Kriteret për brendimin e rajoneve zhvillimore’.Brendimi i rajoneve zhvillimore ka si qëllim krijimin e identitetit duke zbatuar praktika nga marketingu, duke siguruar se procesi nuk krijon konkurencë në mes të rajoneve në kuptimin e parandalimit apo krijimit të pengesave në mes të rajoneve zhvillimore.

Qëllimi i prezantimit të këtij dokumenti është diskutimi i kornizes për përcaktimin e kritereve për zhvillimin e resurseve (materialeve për brendim) të cilat do të shfrytëzohen për brendimin e tyre, për promovimin e rajoneve zhvillimore duke u bazuar në praktikat e marketigut si dhe krijimin e dy elementeve – vizuale përmes llogove dhe narrativi -tekst.

Në takim morën pjesë përfaqësues dhe Drejtoritë për Zhvillim Ekonomik nga komunat e Prishtinës, Podujevës, Fushë Kosovës, Obiliqit, Drenasit ,Shtime dhe Lipjan. Gjithashtu takimi u mbështet nga konsultenti i jashtëm z.Berat Abdiu i cili realizoj prezantimin e përmbajtjes dhe qëllimit të dokumentit.

Takimi u hap me një fjalë hyrëse nga Drejtoresha e AZHR Qendër znj.Mrika Macula dhe u udhëheq nga përfaqësuesit e Departamentit për Planifikim dhe Analiza Socio Ekonomike ku morën pjesë, znj.Vjendita Avdiu Musliu - Udhëheqëse e Divizionit për Zhvillim Rajonal, znj.Fatmire Thaçi -Udhëheqëse e Divizionit për Perfomancë Rajonale, z.Xhevat Sefaj -zyrtar për zhvillim socio-ekonomik.