Sot me datë 26Tetor 2022, Departmenti për Planifikim dhe Analiza Socio Ekonomike Rajonale (DPASER) në bashkëpunim me Agjensionin për Zhvillim Rajonal Lindje (AZHR Lindje), realizuan takimin e përbashkët me Drejtoritë për Zhvillim Ekonomik si dhe përfaqësues nga Departamenti i Turizmit të secilës komunë ku u konsultua draft dokumenti ’Kriteret për brendimin e rajoneve zhvillimore’. Brendimi i rajoneve zhvillimore ka si qëllim krijimin e identitetit duke zbatuar praktika nga marketingu, duke siguruar se procesi nuk krijon konkurencë në mes të rajoneve në kuptimin e parandalimit apo krijimit të pengesave në mes të rajoneve zhvillimore.

Qëllimi i prezantimit të këtij dokumenti është diskutimi i kornizës për përcaktimin e kritereve për zhvillimin e resurseve (materialeve për brendim) të cilat do të shfrytëzohen për brendimin e tyre, për promovimin e rajoneve zhvillimore duke u bazuar në praktikat e marketigut si dhe krijimin e dy elementeve – vizuale përmes llogove dhe narrativi -tekst.

Në takim morën pjesë përfaqësues dhe Drejtoritë për Zhvillim Ekonomik nga komunat e Gjilan, Ferizaj, Viti dhe Kamenicë

Takimi u hap me një fjalë hyrëse nga Drejtori i AZHR Lindje z.Agim Zeka dhe u udhëheq nga përfaqësuesit e Departamentit për Planifikim dhe Analiza Socio Ekonomike ku morën pjesë, znj.Vjendita Avdiu Musliu - Udhëheqëse e Divizionit për Zhvillim Rajonal, znj. Arta Ahmeti Xhylani - Drejtoreshë e DFSHP, znj.Fatmire Thaçi -Udhëheqëse e Divizionit për Perfomancë Rajonale dhe znj. Arta Maloku - Usheheqëse e DKP-së.