Ministria e Zhvillimit Rajonal në bashkëpunim me pesë Agjensionet Rajonale Zhvillimroe realizuan një takim joformal me Udhëheqësin për Bashkëpunim të Zyrës së BE-së në Kosovë dhe kryetarëve të komunave, me qëllim të avansimit të zhvillimit rajonal dhe rritjes së mundësive për iniciativa të përbashkëta në mes komunave, si dhe përkrahjes së projekteve nga MZHR dhe nga fondet e BE-së.

Takimi u hap me një fjalë rasti nga znj.Mrika Gashi pastaj Ministri i Zhvillimit Rajonal z.Fikrim Damka uroj z.Johannes Stenbæk Madsen - Udhëheqës për bashkëpunim në Zyrën e BE-së në Kosovë për mandatin e ri dhe i ofroj bashkëpunim, gjithashtu të pranishmit i njoftoj për aktivitetet dhe proceset në fushën e zhvillimit rajonal që janë duke u zhvilluar, edhe z. Madsen fjalnderoj të pranishmit për këtë takim dhe shprehi gatishmërinë për bashkëpunim. Takimi vazhdoi me një diskutim të përbashkët me kryetarët e komunave dhe të pranishmit.

Takimi u përmbyll me një konkluzion për vazhdim të bashkëpunimit në të ardhmen ku MZHR dhe AZHR-të do të iniciojnë takime të përbashkëta me tema që i përkasin fushës së zhvillimit rajonal të cilat mund të konkretizohen në projekte.