Sot më datë 09 Nëntor 2022, u mbajt punëtoria “Prezantimi dhe validimi i draft-analizës së investimeve kapitale të realizuara sipas rajoneve zhvillimore të kosovës për vitin 2021’’ organizuar nga Ministria e Zhvillimit Rajonal (MZHR) në partneritet me UN-Habitat Kosovë.

Punëtoria u hap nga z.Besim Kamberaj – zv.Sekratar i Përgjithshëm i MZHR-së, i cili përshëndeti të pranishmit në punëtori dhe theksoi që kjo punëtori do të jetë një mundësi e mirë që bashkërisht të diskutojmë mundësitë për një zhvillim të qëndrueshëm socio-ekonomik rajonal dhe të eksplorojë të kuptuarit e elementeve kyçe të zhvillimit rajonal dhe zbatimin efektiv të tij në praktikë, më pas z.Kamberaj i’a kaloni fjalën z.Agon Dobruna – Zëvendësministër i Ministrisë së Zhvillimit Rajonal.

Zëvendësministri z.Dobruna, falënderoi të pranishmit dhe citoi që është mundësi e mirë që bashkërisht të diskutojmë mundësitë për një zhvillim të qëndrueshëm socio-ekonomik rajonal dhe të eksplorojë të kuptuarit e elementeve kyçe të zhvillimit rajonal dhe zbatimin efektiv të tij në praktikë. Njohja e substancës së zhvillimit rajonal do të krijojë një bazament të qëndrueshëm për zyrtarët publikë (të nivelit lokal dhe qendror) që të përshtatin më mirë politikat, të bëjnë intervenime adekuate dhe të zhvillojnë projekte të investimeve kapitale të bazuara në vend që do të nxisin një zhvillim të balancuar socio-ekonomik të rajoneve në Kosovë.

Punëtoria vazhdoi punimet me fjalë rasti sipas agjendës nga znj. Ylva Sahlstrand - Sekretare e parë Menaxhere e Programit për Reformë në Administratën Publike, të Drejtat e Njeriut dhe Demokracia nga Ambasada e Suedisë dhe z.Esteban Leon, Shef i Zyrës dhe Këshilltar Kryesor Teknik (OiC) në UN-Habitat Kosova.

Punëtoria ka për qëllim të analizoj dhe diskutoj me komunat, ministritë e linjës, Agjensionin Statistikave të Kosovës, Agjensionet Zhvillimore Rajonale, për të dhënat që pasqyron "Analiza e investimeve Kapitale të realizuara sipas rajoneve zhvillimore në Kosovë për vitin 2021".

Sesioni i dytë e punëtorisë filloj punimet me prezantimin dhe diskutimin i të gjeturave, qëllimi, procesin si dhe metodologjia e dokumentit, prezantim i realizuar nga znj. Vjendita Avdiu -Musliu, Udhëheqëse e Divizionit për Zhvillim Rajonal të Balancuar dhe znj. Besnike Kocani - Këshilltare për planifikim hapësinor/urban në UN-Habitat Kosova realizoi ushtrimin grupor ’’ Prioritizimi i regjioneve dhe investimeve kapitale’’ për të vazhduar me prezantimin i të gjeturave të raportit (draft-analizës), shpërndarja e investimeve kapitale: regjionet, fondet dhe sektorët (niveli lokal dhe qendror)

Sesioni i tretë i punëtorisë vazhdoi punimet me prezantimin e Validimi i të dhënave dhe raporti, Struktura, përmbajtja/të gjeturat, dhe dizajni i raportit për të vazhduar ne ushtrim grupor numër dy (2) duke nxjerrë komentet, konkluzionet dhe rekomandimet.

Sesioni i katërt dhe i fundit i punëtorisë u realizua duke nxjerrë konkluzionet, rekomandimet dhe hapat që duhet të ndermirën në të ardhmen. Konkluzionet u nxjerrën nga z.Besim Kamberaj – zv.Sekretar i Përgjithshëm i MZHR-së.