Sot me datë 24.11.2022 Ministri z.Fikrim Damka realizoj takim pune me Kryetarin e komunës së Podujevës z.Shpejtim Bulliqi.
Qëllimi i takimit ishte diskutimi lidhur me implementimin e projektve ku MZHR është bashkfinancuse e tyre në Komunën e Podujevës si dhe mundësinë e vazhdimit të mbështetjes dhe bashkëpunimit në të ardhmën.
Kryetari i Komunës së Podujevës z.Bulliqi me bashkëpunëtorë priti Ministrin z.Damka në kabinetin e ti, fillimisht falenderoj Ministrin për viziten, kujdesin dhe mbështetjen e vazhdueshme, njëkohësisht prezentoi progresin dhe vështërsit në implementimin e projekteve të përbashkëta kapitale të vitit 2022.
Në vazhdim kryetari Bulliqi para Ministrit Damka shpalosi nevojat e Komunës së Podujeves me theks të veçant tek projektet konkrete me të cilat Podujeva ka aplikuar në thirrjen e MZHR-së në programin PZHR / Investimet kapiatale 2023.
Ministri z.Fikrim Damka falenderoi kryetarin për pritjen dhe angazhimet e ti lidhur me implementimin e projekteve, njëkohësisht nikoqirit i shprehu vullnetin e ti dhe të Qeverisë së Republikës së Kososvës për të ndihmuar Komunat në synimet e tyre specifikisht për një zhvillim të balancuar socio-ekonomik.
Pas takimit Ministri z.Fikrim Damka dhe Kryetari Bulliqi të shoqëruar nga bashkëpunëtorët vizituan projektet ne fshatrat Bajçinë, Gllamnik dhe Sveqel ku për së afërmi shikuan punët e mira në projektet e fshatrave Gllamnik e Sveqel sikur që panë edhe punët në projektin e fshatit Bajçinë edhe pse këtë projekt vërshimet e fundjavës së kaluar e kishin dëmtuar, por që kryetari i Komunës z.Bulliqi premtoj se projekti do të përfundoj brenda afatit të planifikuar.
Ministri i Zhvillimit Rajonal z.Fikrim Damka shprehu gatishmërinë e Ministrisë që ai drejton në vazhdimin e bashkëfinancimit të projekteve të tjera në këtë komunë, sikur që tha se Qeveria e Republikës së Kosovës është e përkushtuar të mbështesë projektet kapitale në tër teritorin e Kosovës, projekte këto të cilat janë në interes të qytetarëve.
Ministri z. Fikrim Damka gjatë vizitës u shoqërua nga z.Ylber Çitaku zv.Drejtor i DZHR-së.
