Ministria e Zhvillimit Rajonal nga data 02 deri më 04 Dhjetor 2022, mbajti punëtorinë me qëllim të prezantimit të arriturave Realizimi i Planit Strategjik dhe Operacional 2022 si dhe sfidat e MZHR-së për vitin 2022.
Fillimisht, Ministri z.Fikrim Damka falënderojë të gjithë punonjësit e Ministrisë për bashkëpunimin dhe angazhimin e lartë të realizuar gjatë vitit 2022. I njëjti theksoi që duke u bazuar në të dhënat e të gjitha njësive të MZHR-së, ka arritur ti realizoj me sukses 94 tregues si dhe 18 janë në proces të realizimit deri në fund të vitit 2022, shprehur në përqindje 83.92 të realizuara dhe 16.08% në proces. Këtë rezultat MZHR ka arritur falë një bashkëpunimi të mirë të stafit të MZHR-së, po ashtu gjatë periudhës 2022 ka pas edhe vlerësime pozitive nga organizatat të ndryshme sa i përket performancës së ministrisë gjithashtu edhe transparencës.
Punëtoria në fjalë, u realizua mbi bazën e një agjende të ngjeshur të ndarë në katër (4) Sesione, ku në sesionin e parë sipas agjendës u realizua prezantimi i të arriturave dhe sfidave në përmbushjen e planit të punës së v.2022, prezantimi dhe diskutimi i aktiviteteve kryesore të MZHR-së për v.2022 si dhe prezantimi i të arriturave nga të gjitha departamentet dhe divizionet e veçanta të MZHR—së.
Sesioni i dytë vazhdoi punimet me prezantimet Prezantimi i Draft – Planit të Punës për v. 2023, prezantimi i analizave/dokumenteve të miratuara dhe atyre që janë proces, prezentimi për Udhëzuesit për Investime kapitale, udhëzuesit për Subvencione, prezentimi i Draft Planit të Veprimit 2023-2025 të Strategjisë për Zhvillim Rajonal 2020-2030 si dhe Prezentimi i Draft-Rregullorës për Sistematizimin e Vendeve të Punës në MZHR.
Në sesionin e katërt (4) u diskutuan dhe shqyrtuan në hollësi konkluzionet dhe rekomandimet e dala gjatë punëtorisë si dhe finalizimi dhe implementimi i tyre sipas prioriteteve dhe afateve.
Vlen të theksohet se një prej dokumenteve kryesore të MZHR-së këtë vit është miratimi në qeveri i Projekt-Ligjit për Zhvillim Rajonal të Balancuar, është realizuar Konferenca e parë Ndërkombëtare për Zhvillim Rajonal janë përfunduar një varg dokumentesh e analizash që krijojnë një dokumentim solid për fushën e zhvillimit rajonal, kemi pas progres në zbatimin e programeve zhvillimore të MZHR-së dhe kemi arritur të rrisim fondet për përkrahje të përfituesve për v.2022. Gjithashtu është bërë një progres edhe në koordinimin me donatorë si UN-HABITAT, Caritasi Zviceran, BERZH, GIZ, OTKT, Ambasada Norvegjeze në rrjetëzimin e aktiviteteve të MZHR-së.
Në punëtori morën pjesë: Ministri z.Fikrim Damka, z.Agon Dobruna zv.Ministër, z. Almir Veliji- zv. Ministër, z.Besim Kamberaj – zv.Sekretari i Përgjithshëm, Këshilltarët e ministrit të MMZHR-së, Drejtorët e Departamenteve, Udhëheqës të Divizioneve të veçanta, Udhëheqës të Divizioneve dhe zyrtarë tjerë të Ministrisë.
