Më datë 06.12.2022,  Komisioni për Administratë Publike, Pushtet Lokal, Media dhe Zhvillim Rajonal, kryesuar nga Valon Ramadani  zhvilloi takim me Ministrinë e Zhvillimit Rajonal mandati i së cilës bien në fushëveprim të këtij komisioni.

Ministri i zhvillimit rajonal, z.Fikrim Damka së bashku me zv.Sekretarin e Përgjithshëm z.Besim Kamberaj, zv.Drejtoreshën e DPASER znj.Vjendita Avdiu-Musliu dhe z.Ergin Bunjaku – këshilltar i lartë i ministrit prezantuan Projektligjin për Zhvillim Rajonal të Balancuar (nr.08/L-190) para anëtarëve të komisionit si dhe u përgjigjen në pyetjet dhe komentet që u parashtruan për përmbajtjen e këtij projektligji.

Pas një diskutimi dhe pyetjeve të parashtruara nga ana e deputetëve, projektligji u miratua njëzëri për shqyrtim të mëtejmë në Kuvend.