Më datë 07.12.2022, Ministri i Zhvillimit Rajonal z.Fikrim Damka priti në takim z. Esteban Leon Shef i UN-Habitat-it në Kosovë .

Qëllimi i takimit ishte diskutimi mes palëve për avancimin dhe promovimin e mëtejmë të zhvillimit socio- ekonomik rajonal të balancuar.

Konsideruar që UN - Habitat ka mbështetur MZHR-në në shumë aktivitete dhe programe gjatë vitit 2022 , palët gjatë takimit biseduan për Planin Kombëtar për Zhvillim që ka katër (4) qëllime strategjike, zhvillim i qëndrueshëm ekonomik, zhvillim i barabartë njerëzor, siguria dhe sundimi i ligjit dhe qeverisja e mire. Marrë parasysh prioritetet e cekuar në takim palët u dakorduan që të ketë një memorandum bashkëpunimi në të ardhmen për bashkëpunim më afatgjatë në fushën e Zhvillimit Rajonal.

Gjatë takimit Ministri z.Damka, shpalosi politikat e zhvillimit rajonal, programet dhe qëllimin e tyre, aktivitetet tjera që MZHR planifikon ti realizoj, Projektligjin për zhvillim Rajonal që është aprovuar në Qeverinë e Republikës së Kosovës duke potencuar aktivitete kyqe ku MZHR ka nevojë për një mbështetje nga UN- Habitat në të ardhmen.

Gjithashtu z.Esteban shprehi gatishmërinë e tij bazuar në prioritete e UN-Habitatit për të çuar më tejë fushën e zhvillimit rajonal dhe Objektivat e Zhvillimit të Qëndrueshëm 2030 të Kombeve të Bashkuara (SDG goals).

Në takim morën pjesë: z.Fikrim Damka – Ministër i MZHR-së, z. Esteban Leon - Shef i UN-Habitat-it në Kosovë, z. Besim Kamberaj- zv.Sekretar i Përgjithshëm i MZHR-së, znj.Vjendita Avdiu – Musliu –zv.Drejtoreshë e DPASER, z. Artan Rexhepi -Zyrtar për Menaxhim të Programit të UN-Habitat-it në Kosovë , znj. Besnike Kocani, Këshilltare për Planifikim Hapësinor/Urban, UN-Habitat në Kosovë dhe z.Ercan Silik – Këshilltar i Ministrit.