Ministri i Zhvillimit Rajonal z.Fikrim Damka së bashku me Zëvendësministrin e Infrastrukturës zHysen Durmishi, Kryetarin e Komunës së Podujevës z.Shpejtim Bulliqi, deputetë, drejtorë dhe asamblistë në mënyrë solemne kanë vendosur gurthemelin për ndërtimin e Stacionit të Autobusëve në Podujevë.

Vlera e këtij projekti është mbi 1 milionë euro dhe është në bashkëfinancim mes Ministrisë së Zhvillimit Rajonal, Ministrisë së Infrastrukturës dhe Komunës së Podujevës. Ky projekt planifikohet që të përfundojë në dy vitet e ardhshme.

Ministri z.Damka gjatë ceremonisë solemne të vënies së gurthemelit të projektit në fjalë theksoi që Stacioni i ri i autobusëve do ta mundësojë organizimin më të mirë të komunikacionit në qytet dhe fshatra, si dhe do t’i përmirësojë linjat e qarkullimit të Podujevës me qytetet tjera gjithashtu nikoqirit i shprehu vullnetin e ti dhe të Qeverisë së Republikës së Kosovës për të ndihmuar Komunat në synimet e tyre specifikisht për një zhvillim të balancuar socio-ekonomik.

Kryetari z.Bulliqi i falënderoi Ministrin z.Damka e zv.ministrin z.Durmishi për bashkëpunimin në realizimin e këtij projekti shumë të rëndësishëm për qytetarët e Podujevës.

Ministri z.Damka në fund i uroi të gjithë qytetarët e Podujevës për fillimin e punimeve për realizimin e projektit.