Ministri i Zhvillimit Rajonal z.Fikrim Damka, sot më datë 19.12.2022 mori pjesë në ceremoninë solemne të organizuar me rastin e festave të fundvitit nga Ambasada e Republikës së Sllovenisë në Prishtinë në bashkëpunim me Klubin e Biznesit Slloven të EAC në Prishtinë.

Në këtë ceremoni u theksuan marrëdhëniet historike, marrëdhëniet bilaterale ndërmjet Republikës së Kosovës dhe Sllovenisë, ndërmjet dy vendeve dhe dy popujve tanë kanë qenë dhe vazhdojnë të jenë shumë të mira dhe po forcohen dita-ditës, një histori ku Sllovenia qëndroi fort me popullin e Kosovës – duke qenë një mik dhe mbështetës i besueshëm. Dhe të kemi një të ardhme të përbashkët – një të ardhme brenda familjes evropiane – duke ndarë vlerat e demokracisë, sundimit të ligjit dhe vullnetit dhe punës së palodhur për prosperitet socio-ekonomik.

Ministri z.Fikrim Damka në ceremoni ishte së bashku me Kryeministrin e Republikës se Kosovës z.Albin Kurti dhe Ministren e Industrisë, Ndërmarrësisë dhe Tregtisë z.Rozeta Hajdari.