Më dt. 09/02/2023 u mbajt takimi virtual i organizuar nga Ambasada e Republikës Suedeze në Kosovë, në të cilën morën pjesë Ministria e Zhvillimit Rajonal e përfaqësuar nga z. Besim Kamberaj, Zv. Sekretar i Përgjithshëm në Ministrinë e Zhvillimit Rajonal, Ercan Silik, Këshilltar Politik i Ministrit të MZHR-së dhe Kreshnik Uka zv. Udhëheqës i Divizionit për Koordinim të Zhvillimit Rajonal, UN-Habitat, Ministria e Çështjeve Rurale dhe Infrastrukturës-Suedi, Agjensioni për Rritje Ekonomike dhe Rajonale - Suedi, Asociacioni Suedez i Autoriteteve Rajonale dhe Lokale, Agjencia Suedese SIDA, dhe Instituti Suedez “SI”.

Në këtë takim z. Kamberaj falenderoi Ambasadën e Suedisë në Kosovë për organizimin e këtij takimi dhe prezentoi në pika të shkurta arritjet e Ministrisë së Zhvillimit Rajonal, objektivat dhe mundësitë e bashkëpunimit.

Ky takim ka pasur për qëllim shkëmbimin e përvojave dhe njohurive për zhvillim rajonal, nga të dyja shtetet me ç’rast secili nga pjesëmarrësit tjerë prezentoi në pika të shkurta nga një prezentim për institucionet në të cilat ata zhvillojnë programet për Zhvillim Rajonal.

Në fund të këtyre prezantimeve palët pjesëmarrëse, diskutuan edhe për mundësitë e bashkëpunimit potencial ku në fokus janë Programet në Fushën për Zhvillim Rajonal