Zëvendësministri i Zhvillimit Rajonal z.Agon Dobruna, sot me datë 28.04.2023 vizitoi disa bizneset përfituese nga Thirrja e Programit për Zhvillim Rajonal të Balancuar “PZHRB" të Rajonit Zhvillimor Qendër dhe Lindje.
Biznesi i vizituar tek përfituesi ‘’SWEETNESS’’ me pronar Stevan Marinkovic nga fshati Dobrotin Komuna e Graçanicës, z.Marinkovic falënderoj Ministrinë e Zhvillimi Rajonal për Grantin nga cili, siç ai u deklarua ka përfitue ekonomia familjare.
Përfituesi ‘’Jasmina Zivkovii B.I’’ nga fshati Budrigë, e me veprimtari përpunimi i perimeve dhe prodhimi i produkteve nga perimet, znj.Jasmina tregoj për vështirësitë e të zhvilluar biznes dhe përballja me kohen e pandemisë, por megjithatë falë grantit të MZHR-së e njëjta thotë se ka arritur që produktet e saja ti plasoj edhe në tregun Zviceran.
Biznesi tjetër i vizituar ‘’Dekorimet për dasma dhe ahengje’’ Komuna e Parteshit ishte biznesi i radhës që u vizitua nga zv.Ministri Dobruna, pronarja e biznesit në fjalë znj.Natasa Nasic falënderoj MZHR për mbështetjen e projekti të saj dhe tregoj për punën që bën sidomos gjatë sezonit të verës kur ahengjet dhe dasmat janë më të theksuara.
Përfituesi ‘’Gordana Zivkovic B.I’’ Komuna Partesh, si biznes që merret me përpunimin e produkteve bujqësorë ishte biznesi i fundit i vizituar kësaj radhe, i fundit për kah radha por jo edhe për kah rëndësia, kjo dëshmohet edhe nga tregimi dhe falënderimi që bëri znj.Jasmina për MZHR-në përmes zv.Ministrit Doruna.
Gjatë vizitës së bizneseve të lartcekura të Komunitetit Serb, zëvendësministri z.Dobruna ka parë për së afërmi veprimtaritë e tyre, ai po ashtu, u njoftua rreth vështirësive dhe kërkesave që këto biznese hasin gjatë aktivitetit në tregun e punës. Më këtë rast zëvendësministri z.Dobruna theksoi se MZHR përmes Thirrjeve Publike është e përkushtuar për krijimin e kushteve më të mira për bizneset në vend.
Gjithashtu zv.Ministri tregoj edhe për përkushtimin e Qeverisë së Republikës së Kosovës në përkrahjen e të gjithë qytetarëve të sajë pa asnjë dallim në fushën e zhvillimit të bizneseve të tyre, ku secili veç e veç ka rolin e ti drejt një zhvillimi të gjithmbarshëm në vendin tonë.
Zëvendësministri z.Agon Dobruna vizitën e realizoi së bashku me Shefin e kabinetit të Ministrit z.Yildiray Bajram, me këshilltarin e pare të Ministrit z.Ergin Bunbjaku dhe z.Ylber Çitaku – zv. Drejtor i DZHR-së.
