Sot më datë 18.05.2023, Ministria e Zhvillimit Rajonal e përfaqësuar nga znj.Arta Maloku – Udhëheqëse e DKP-së, mori pjesë në konferencën për Ditën Globale të Qasshmërisë e organizuar nga Shoqata Profesionale e Informaticientëve të Kosovës dhe Shoqata e të Verbërve të Kosovës.

Shoqata Profesionale e Informaticientëve të Kosovës (ShPIK) në këtë konferencë ka publikuar raportin me gjetjet e studimit të qasshmërisë së uebfaqeve të institucioneve publike, me përmbushjen e standardeve ndërkombëtare. Aty u tha se përmbushja e këtyre standardeve është esenciale për personat me aftësi të kufizuara, e në veçanti të personave të verbër.

MZHR për qasje dhe shërbime që ofron në ueb faqen zyrtare shpërblehet mirënjohje nga 66 ueb faqet e institucioneve publike që ishin testuar.

Me një fjalë rasti znj.Arta Maloku – Udhëheqëse e DKP-së, falënderoi organizatoret për vlerësimin dhe theksoi që MZHR do të vazhdoj të jetë transparente dhe qasshme dhe do të ofrojë qasje më të lehtë personave me aftësi të kufizuar dhe gjithë qytetarëve të Republikës së Kosovës