Zëvendësministri i Ministrisë se Zhvillimit Rajonal z.Almir Veliji së bashku me Shefin e kabinetit z, Yildiray Bajram, Këshilltarin politik z, Furkan Ago nga data 24.05.2023- 26.05.2023 moren pjesë në konferencën Evropa Juglindore përtej Dialogut të Lidershipit "Udhëheqja drejt një kompakti dixhital rajonal" e cila u mbajt në Selanik të Greqisë.

Zëvendësministri z. Veliji, ka mbajtur fjalimin e tij për transformimin dixhital në epokën e investimeve ndërkufitare dhe diplomacisë ekonomike, ku është diskutuar se a do të bëhet edhe Kosova si pjesë e ballkanit perëndimorë një pikë e ardhshme e investimeve. Në këtë konferencë kishte prezantime dhe diskutime mbi sigurinë kibernetike, luftën kundër dezinformimit dhe mbrojtjen e të dhënave, gjithashtu u theksua se teknologjia ka sjellë sfida të reja për sigurinë dhe besueshmërinë e informacionit dhe është detyra jonë t'i përgjigjemi këtyre sfidave me përgjegjësi.

Në Konkluzione u theksua se teknologjia ka krijuar mundësi të reja për përhapjen e informacionit të rremë, por inteligjenca artificiale mund të jetë mjeti ynë i fortë për t'i dhënë fund kësaj sfide. Inteligjenca artificiale (AI) mund të identifikojë, analizojë dhe vlerësojë informacionin me një shpejtësi dhe precizion të lartë. Nëpërmjet algoritmeve të zgjuara, ai mund të zbulojë modelet e dezinformimit dhe të ndihmojë në shpërndarjen e informacionit të saktë.

Zëvendësministri z. Veliji theksoi se Kosova me potencialin e saj të kuadrove të reja në teknologji premton shumë për t'u bërë një vend serioz në këtë fushë.