Sot me datë 09/06/2023, nën organizimin e Ministrisë së Zhvillimit Rajonal së bashku me AZHR Veri, u mbajt punëtoria lidhur me përgatitjet për Konferencën e Donatorëve, e cila planifikohet të organizohet nga Qeveria e Kosovës gjatë muajit Qershor 2023.

Në këtë takim ishin të pranishëm Zëvendës Ministri i MZHR-së z.Agon Dobruna nga MZHR, Drejtorët e drejtorive për zhvillim ekonomik të komunave Mitrovicë e Jugut, Vushtrri, Skenderaj dhe Zveçan, z.Besim Kamberaj zv. Sekretar i Përgjithshëm-MZHR dhe znj.Rreze Duli Drejtoreshë e AZHR Veri.

Qëllimi i këtij takimi ishte identifikimi dhe paraqitja e projekteve kapitale që janë rezultat i proceseve të planifikimit në nivelet komunale dhe rajonet zhvillimore.

Këto projekte do të bëhen pjesë e kërkesave dhe paraqitjeve gjatë konferencës së planifikuar për donatorët.

Në këtë takim u zhvilluan dhe diskutime tjera rreth qëllimit, përgatitjes, koordinimit dhe kritereve për përzgjedhjen e projekteve kapitale në nivel të komunave dhe rajoneve zhvillimore , si dhe modalitetet e tjera të lidhura me konferencën e planifikuar.