Me datë 21 Qërshor 2023, Ministri i Zhvillimit Rajonal z.Fikrim Damka mori pjesë në Ceremonin e Hapjës së Prodhimit të NEWCO Ferronikeli në Komunën e Drenasit.

Investimet janë bazë shumë e fortë për zhvillimin ekonomik të cilit do shtetë, e veqmas shteteve në tranzicion siqë është Kosova, kështu investimet e huaja kanë patur një zhvillim të hovshëm në rritje në vitet në vazhdim. Nxitur nga ndryshimi teknologjik, konkurrenca globale dhe liberalizimi i tregjeve, investimet e huaja luajnë rol kyç në procesin e integrimit global ekonomik.

Tërheqja e investimeve të huaja direkte  është një nga strategjitë më të rëndësishme për vendet në zhvillim për të rritur formimin e kapitalit në mënyrë që të gjenerojë një shumë më të lartë të GDP-së.Investimet te huaja të sjellin kapitalin e nevojshëm, rritin produktivitetin e ekonomisë nëpërmjet transferimit të njohurive dhe teknologjisë, ndikojnë në hapjen e tregjeve të reja për tregti, rritin konkurrencën ekonomike, ndikojnë në reduktimin e deficitit të llogarive korrente, rrisin punësimin dhe mbi të gjitha ndikojnë në mirëqenien e popullsisë. Kosova ka potencial të madh për tu bërë vend i pëlqyer për investime të huaja direkte si dhe të tërheqë kapital, informacione dhe teknologji.

Ferronikeli i cili është ndër asetet më të mëdhenjt të Kosovës, me këtë investim do të shtoj akoma më shumë vlerë në vete si dhe në sferën nacionale dhe regjionale. 

Pa dyshim Feronikeli i cili është burimi i kontributit të jetesës së mijëra familjeve,  do të kontriboj edhe në mirëqenien e Republikës së Kosovës në aspektin mikro dhe makro duke kontribuar në përforcimin e tij.

Feronikeli si një investim në Industrinë e rëndë, me punën dhe strategjinë e përqëndruar të investitorit Turk – Yildirim Holding, përsëri do të jetë fabrika enorme dhe më prestigjioz për metalurgjinë në Republikën e Kosovës.

Dua të theksoj rolin thelbësor të investitorëve Turq gjatë këtyre viteve të fundit të cilët kanë kontribuar në ekonominë e Kosovës. Këta investitorë nga Türkiye mund të shihen në shumë sektorë, si; në sektorin bankar, menaxhimin e aeroportit, energjinë, prodhimtarinë dhe shërbimet. Siç kemi qenë dëshmitarë në shumë fusha, Türkiye është një nga partnerët tonë kryesorë në fushën e ekonomisë dhe do të vazhdojë duke rritur investimet në vendin tonë.

Në këto dy vitet e fundit qeveria jonë i kushtoi një rëndësi të veçantë per te  krijuar një ambient sa më të përshtatshëm të biznesit dhe klimë sa më të favorshme  investimeve të huaja direkte. Prandaj, ne jemi të prirur të bëjmë reforma strukturore për investimet e huaja direkte për të tërhequr më shumë investitorë.