Në kuadër të projektit YENI i bashkë financuar nga Ministria e Zhvillimit Rajonal dhe Caritas-it Zviceran, zyra në Kosovë. Më datë 23.06.2023, Eko Klubi i Shkollës së Mesme të Lartë të Agrobiznesit dhe Teknologjisë “ABDYL FRASHËRI ” në Prishtinë në bashkëpunim me partnerin implementues Green Art Center Prishtina ka zhvilluar dhe realizuar projektin mjedisor, " Ndikimi i Rinisë në Mjedis". Qëllimi i këtij aktiviteti është që të përurohet zbatimi i projektit lidhur me ndikimin mjedisor të Eko klubit të shkollës së mesme “ABDYL FRASHËRI ” në Prishtinë dhe të promovohen investimet e përfunduara nga MZHR dhe Caritasi Zvicëran. Me atë rast, moderimin dhe informatat rreth rrjedhës së realizimit të projektit i kanë bërë nxenesit e shkolles në fjalë, si dhe të pranishmit i kanë përshëndetur me një fjalë rasti: Drejtori i SHMAT, z. Bekë Muja; Përfaqësuesi i MZHR, z. Shani Hamitaga; Koordinatorja e projektit YENI nga Caritasi, znj. Fjollë Caka dhe Menagjeri i projektit implementues nga Green Art Center, z. Adhurim Hoxha.