Zëvendësministri i Ministrisë së Zhvillimit Rajonal (MZHR) z.Ali Tafashiku sot më datë 17 Gusht 2023 realizoi vizitë zyrtare në komunën e Dragashit ku u prit nga kryetari i kësaj komune z.Bexhet Xheladini.

Së shpejti në Komunën e Dragashit, fillon të realizohet projekti “Asfaltimi i rrugës për te stadiumi i qytetit me infrastrukturë përcjellëse në Komunën e Dragashit”, ky projekti ka vlerën 220,572.30 euro dhe financohet nga Ministrisa e Zhvillimit Rajonal në bashkëfinancim me komunën e Dragashit.

Kryetari i komunës së Dragashit z. Bexhet Xheladini ka falënderuar zëvendësministrin e Zhvillimit Rajonal z.Ali Tafashiku për përkrahjen dhe u zotua se do ta realizojë projektin me përkushtim me qëllim të përmirësimit të cilësisë së shërbimeve ndaj qytetarëve.

Zëvendesministri z.Tafashiku dhe kryetari z. Xheladini shprehen gatishmëri që të vazhdojë komunikimi për bashkëpunim mes MZHR-së dhe komunës së Dragashit në të ardhmen për programet që lanson MZHR.