Zëvendësministri i Ministrisë së Zhvillimit Rajonal (MZHR) z.Ali Tafashiku më datë 22 Gusht 2023 realizoi vizitë zyrtare në komunën e Junikut ku u prit nga kryetari i kësaj komune z.Ruzhdi Shehu

Vizita kishte për qëllim për të parë për së afërmi procesin e punimeve në projektin:

- “Ndërtimi i Urës që lidh Komunën e Junikut me Eko fshatrat Gjocaj dhe Jasiq”

Projekti ka vlerën prej 122,174.50 euro dhe financohet nga Ministria e Zhvillimit Rajonal në bashkëfinancim me komunën e Junikut.

Kryetari i komunës së Junikut z. Ruzhdi Shehu falënderoi zëvendësministrin e Zhvillimit Rajonal z.Ali Tafashiku për vizitën dhe u zotua se do ta realizojë projektin me përkushtim me qëllim të përmirësimit të cilësisë së shërbimeve ndaj qytetarëve.

Zëvendësministri z.Tafashiku dhe kryetari z.Shehu shprehen gatishmëri që të vazhdojë komunikimi për bashkëpunim mes MZHR-së dhe komunës së Junikut në të ardhmen për programet që lanson MZHR.