Ministria e Zhvillimit Rajonal, sot me datë 24 Gusht 2023 organizoi ceremoninë e nënshkrimit të kontratave me përfituesit nga skema e granteve Programi për Zhvillim Rajonal të Balancuar PZHRB 2023.

Në këtë ceremoni, morën pjesë: Ministri i Zhvillimit Rajonal z. Fikrim Damka, z.Artan Avdiu Menaxher i Projektit “Zhvillimi Gjithëpërfshirës Ekonomik” i financuar nga (USAID), i zbatuar nga Fondi per Zhvillim Komunitar (CDF), zv.Ministri i MZHR-së z.Ali Tafashiku si dhe zv. Sekretari i Përgjithshëm i MZHR-së z. Besim Kamberaj.

Ministri Damka në fjalën hyrëse fillimisht që në emër të Ministrisë së Zhvillimit Rajonal, ju urojë të gjithë atyre që projektet e tyre janë përzgjedhur për financim nga MZHR, në kuadër të Programit për Zhvillim Rajonal të Balancuar 2023.

Në këtë skemë të granteve për v.2023 do të përkrahen 130 përfitues në tri kategoritë ku synohet të gjenerohen rreth 300 vende të reja pune, ku do të këtë zhvillim ekonomik dhe ngritje të kapaciteteve të prodhimit në vend.

Në fund Ministri z.Damka uroji përfituesit nga skema e garantëve PZHRB 2023 që të përmbyllin me sukses projektet e tyre, si dhe theksoi që qëllimi kryesorë si Qeveri është investimet në sektorin e prodhimtarisë, njëra nga çështjet më të rëndësishme për të zhvilluar Republikën e Kosovës, falë prodhimit vendor do t'i lëmë një të nesërme më të mirë të rinjve tanë.

Gjithashtu z.Artan Avdiu Menaxher i Projektit “Zhvillimi Gjithëpërfshirës Ekonomik” i financuar nga (USAID), uroj përfituesit e skemës së garantëve PZHRB 2023 dhe falënderoj MZHR-n për bashkëpunimin si dhe njoftoj të pranishmit për mundësinë e përfitimit të njofturive nga programet e përbashkëta CDF implementues i projektit të USAID - MZHR .

Pas mbarimit të fjalimeve, u realizua nënshkrimi i kontratave ndërmjet MZHR-së dhe përfituesve nga Skema e Granteve Programi për Zhvillim Rajonal i Balancuar PZHRB 2023 të ndarë në grupe.