Sot më 25.10.2023 z.Besim Kamberaj - Ud.Sekretar i Përgjithshëm i MZHR-së u prit nga Drejtori i Drejtorisë për Shërbime Pulike në Komunën e Podujevës z.Bahri Selimi me bashkëpunëtorë.

Sekretari z.Kamberaj dhe Drejtori z.Selimi, vizituan vendin ku po punohet në projektin ‘’ Ndërtimi i Stacionit të Autobusëve‘’ në qytetin e Podujevës projekt ky që MZHR bashkëfinancon.

Drejtori z.Selimi dhe bashkëpunëtorët e ti njoftuan Sekretarin e MZHR-së për progresin dhe vështirësitë me të cilat janë përball në fazën e deritanishme në implementimit të këti projekti me theks të veçantë vështirësitë në zhvendosjen e largpërçuesit proces ky që ka marrë kohë dhe ka pasur kosot shtesë për Komunën e Podujevës, rrjedhimisht ka shkaktuar edhe ngecje në progresin e ndërtimit të Stacionit të Autobusëve.

Sekretari z.Kamberaj, apeloj tek zyrtarët e Komunës së Podujevës që të angazhohen maksimalisht në intensifikimin e punimeve në Ndërtimin e Stacionit të Autobusëve, rrjedhimisht të realizohet e synuara dhe e planifikuara deri në fund të vitit.

Kompetentet e MZHR-së dhe të Komunës së Podujevës ishin të njëjtit mendim sa i përket këtij projekti, projekt ky që do të ketë impakt të drejtpërdrejt në jetën e qytetarëve dhe të OE që merën me transportin e udhëtarëve.

Në këtë vizitë Sekretari i MZHR-së z.Besim Kamberaj shoqërohej nga z.Ylber Çitaku- Zv.Drejtor i DZHR-së dhe z.Hamit Krasniqi Udhëheqës i Divizionit për TI dhe Logjistik në MZHR.