Sot më datë 02.11.2023, u mbajt tryeza e rrumbullakët  “Roli i nivelit lokal në promovimin e Agjendës së Gjelbër” e organizuar nga AZHR Lindje.

Tryeza kishte për qëllim të ofrojë rekomandime të politikave dhe praktikave më të mira për të menaxhuar transformimin në një ekonomie të gjelbër që organizohet në kuadër të projektit “Promovimi i zhvillimit rajonal dhe Agjendës së Gjelbër në rajonin Lindje”  mbështetur nga Ministria e Zhvillimit Rajonal.

Në emër të kryesuesit të Bordit të Kryetarëve për Rajonin Lindje takimin e hapi znj.Leonora Bunjaku Morina Nënkryetare e Komunës së Gjilanit.

Z.Ylber Çitaku – Ud.Drejtor i DZHR-së në emër Ministrisë për Zhvillim Rajonal dhe në emër të MRD-së përshëndeti të pranishmit: Kryetar dhe Nënkryetarët e Komunave, Drejtor të Drejtorive Komunale nga Rajoni Lindje, njëherit përgëzoi për organizimin Drejtorin e AZH Lindje, z.Agim Zeka dhe znj.Valbona Tahiri lidhur me implementimin e  projektit "Promovimi i zhvillimit rajonal dhe Agjenda e gjelbër në rajonin Lindje”.

Nder te tjera z.Çitaku tha se Komunat kanë rolin kryesor në planifikimin dhe ofrimin e zgjidhjeve për një zhvillim të qëndrueshëm urban, gjithnjë duke u angazhuar me inkorporu edhe agjendën e gjelbër përmes një vizioni i cili do të arrinte rezultate të prekshme dhe të matshme.

MRD është e përkushtuar që të mbështes Komunat dhe Organizatat e ndryshme me Projekte të ngjajshme andaj është shumë me rëndësi rritja e nivelit të bashkëpunimit në mes të komunave dhe nivelit qëndror me qëllim të promovimit sa më efikas në implementimin e Agjendës së gjelbër.

Në takim ishin pjesëmarrës edhe znj.Arta Maloku –Udhëheqëse e DKP-së dhe z.Hashim Ibishi zyrtar Monitorues i AZHR Lindje, si dhe drejtori i AZHR Lindje z.Agim Zeka.