Më datë 17.01.2024, Zëvendësministri i Zhvillimit Rajonal z.Ali Tafarshiku takoi ambasadorin ri të Republikës së Shqipërisë Prof. Petrit Malaj.

z. Tafarshiku dhe z. Malaj gjatë këtij takimi diskutuan për bashkëpunimin dy palësh, konkretisht e njoftoi me projektin e "Tregut të përbashkët" Kosovë-Shqipëri, i cili do të filloj të ndërtohet gjatë këtij viti në Gjakovë, për aktivitetet e Ministrisë së Zhvillimit Rajonal, projektet dhe programet, investimet kapitale, përkrahja e bizneseve dhe shoqërisë civile si dhe proceset e avancimit të politikave strategjike që ka implementuar Ministria e Zhvillimit Rajonal.

Gjithashtu u dakorduan për bashkëpunim në mes dy vendeve dhe për fushat në të cilat synojmë t’i forcojmë ato në funksion të avancimit të zhvillimit socio–ekonomik rajonal të balancuar në Kosovë.