Më datë 17.04.2024 , u realizua dita e dytë e Konferencës "Të bëhemi kreativ për zhvillimin rajonal" e organizuar nga Ministria e Zhvillimit Rajonal (MZHR) në partneritet me UN-Habitat Kosovë e mbështetur nga Ambasada e Suedisë.

Dita e dytë e konferencës u realizua në teren sipas agjendës, ku pjesëmarrësit vizituan drejtpërdrejt bizneset të cilat ishin përfituese nga thirrjet publike të MZHR-së dhe të cilat kanë arritur sukses përmes modeleve unike të biznesit dhe praktikave inovative për një zhvillim socio-ekonomik rajonal.

Konferenca u përmbyll me sukses dhe për qëllim kishte për të ngritur në një nivel tjetër kuptimin dhe bashkëpunimin sa i përketë zhvillimit rajonal.

Këto aktivitete u realizuan me synim që të bëhen bashkë pjesëmarrës të rëndësishëm dhe të identifikohen ide për bashkëpunim në nxitje dhe avancim të politikave për zhvillimit rajonal, hulumtim, investime strategjike dhe inteligjente, zhvillim të aftësive të fuqisë punëtore dhe kapaciteteve për inovacion.

Zëvendësministri i Zhvillimit Rajonal zAli Tafarshiku, me një fjali përmbyllëse ka falenderuar Ambasaden Suedeze në Kosovë dhe UN Habitatin për partneritetin dhe bashkëpunimin e deritanishëm, duke treguar gadishmërinë e MZHR-së për zhvillimin e iniciativave të reja që shkojnë në favor të zhvillimit të bizneseve dhe projekteve kapitale që ndikojnë në përmirësimin e situatës socio ekonomike në Kosovë.