Sot në datë 22 Prill 2024, zëvendësministrat e Ministrisë së Zhvillimit Rajonal z. Ali Tafarshiku dhe z. Elldin Uglari së bashku me përfqësues të tjerë të ministrisë vizituan universitetin “Haxhi Zeka” në Pejë. Në takim u pritën nga menaxhmenti i UHZ-së i kryesuar nga rektori, prof.dr. Armand Krasniqi.

Zv.ministri z. Tafarshiku shprehu kënaqësinë e tij lidhur me bashkëpunimin në mes të MZHR – së dhe universitetit “Haxhi Zeka” si dhe vlerësoi përpjekjet e universitetit për angazhim për zhvillim rajonal.

Z. Tafarshiku vlerësoi gjithashtu hapat konkretë të bashkëpunimit në fushën e ndërmarrësisë, agroturizmit dhe turizmit në përgjegjësi që ka marrë universiteti. Po ashtu të pranishmit i përshëndeti dhe zv.ministri z.Uglari.

Rektori z.Krasniqi falënderojë MZHR-në për bashkëpunim si dhe informoi rreth projekteve në përpjekjet që po bën universiteti “Haxhi Zeka” në përmbushjen e misionit të tretë të tij dhe kontributit në shoqëri. Rektori z.Krasniqi gjithashtu theksoi rëndësinë e bashkëpunimit mes MZHR-së dhe të gjitha ministritë e linjës me universitete për t’u shërbyer sa më mirë komunitetit të rajonit të Rajonit të Dukagjinit.

Më pas vazhdoi vizita dhe takimi me studentët dhe personelin e UHZ-së, si dhe u zhvilluan aktiviteteve informuese dhe konsultative me të gjitha palët e interesuara për thirrjen e MZHR-së për të mbështetur ide të reja biznesore si edhe ato ekzistuese.

Përfaqësuesit e ministrisë morrën pjesë edhe në ceremoninë e organizuar nga Fakulteti i Agrobiznesit dhe Fakulteti i Menaxhim Turizëm, Hoteleri dhe Mjedis me rastin e “Ditës së Tokës”.