Në vazhdën e vizitës zyrtare në Kroaci, ne ditën e tretë - me datë 17.05.2024 - delegacioni nga Ministria e Zhvillimit Rajonal u prit nga Zëvendës Ministrja e Zhvillimit Rajonal dhe Fondeve të BE-së, znj. Spomenka Đurić dhe Drejtorët e Departamenteve përkatëse. Gjatë takimit u prezantuan objektivat e strategjisë nacionale dhe programit qeveritar për zhvillimin rajonal në Kroaci si dhe u diskutua për mundësitë e bashkëpunimit konkret në mes të dy vendeve në rrugëtimin e vendit tonë në integrimin evropian, asistencën në përgatitjen e projekteve për aplikim në fondet e BE-së si dhe në përfshirjen e Kosovës si vend i tretë në projektet që është përfituese shteti Kroat. Në takim mori pjesë edhe Ambasadori i Republikës së Kosovës në Kroaci, z. Martin Berishaj dhe ish deputetja shqiptare në Kroaci, znj. Ermina Lekaj Perlaskaj.
Agjenda e ditës së tretë vazhdoi në Splitit, në takim me Nënkryetarin e Prefekturës së Dalmacisë, z. Ante Sosic dhe me Rektorin e Universitetit të Splitit, Prof. Dr. Sc. Dragan Ljutic. Në këtë takim u diskutuan mundësit konkrete të bashkëpunimit me Prefekturën Split, si rajon zhvillimor me potencial shumë të madh në turizëm, ekonomi dhe arsimit.
Falënderim i veçantë i takon ish deputetit dhe kryetarit të grupit parlamentar të miqësisë Kroaci - Kosovë z. Ante Bačić, për iniciativat dhe konkretizimin e bashkëpunimit në mes të dy vendeve.
Dita e katërt e vizitës vazhdoi në qytetin e bukur të Splitit konkretisht në Qendrën e Unionit Shqiptar, ku delegacioni i MZHR-së u prit nga Nënkryetari i qytetit të Splitit, z. Stipe Cogelja dhe Kryetari i Unionit Shqiptar, z. Milaim Shukaj me disa nga afaristët më të suksesshëm të Splitit. Në takim u diskutuan tema të ndryshe të bashkëpunimit dhe në veçanti vizita që një delegacion nga Prefektura e Splitit do t'i bënin Kosovës pas pak ditësh. Pas takimit në ambientet e Unionit Shqiptarë, bashkë me nikoqirët e takimit delegacionit nga MZHR vazhdoi në sheshin kryesor në qendër të qytetit të Splitit, ku ishte organizuar Panairi i Shkollave të Mesme, meqë rast u prezantuan ofertat për drejtimet që do zgjedhin semi maturantët e këtij viti.
