Më datë 29.05.2024 Ministri i Zhvillimit Rajonal z.Fikrim Damka me bashkëpunëtorë takuan zyrtarët e Ministrisë së Punëve të Jashtme të Lihtenshtajnit ku u priten nga znj.Christine Lingg Zv.Drejtoreshë e Departamentit për bashkëpunim bilateral dhe çështje evropiane, z.Panagiotis Potolidis-Beck Udhëheqës i divizionit për çështje ekonomike dhe zhvillim dhe z.Dominic Sprenger nga Divizioni për bashkëpunim bilateral dhe çështje evropiane. Në takim u diskutua për bashkëpunimin e deritashëm për programin MARDI që bashkëfinancohet nga Principata e Lihtenshtajnit dhe mundësinë e bashkëpunimit edhe në të ardhmen.

Ministri së bashku me bashkëpunëtorët u shoqëruan nga zyrtarët e Principatës së Lihtenshtajnit në muzen e qytetit, më pastaj vazhdoi takimi tek Autoriteti i Tregut Financiar dhe Njësia e Inovacionit dhe Dixhitalizimit të Qendrës Financiare ku u priten nga z.Heinz Koznet ku u prezantua puna e këtij institucioni dhe mundësitë e bashkëpunimit.

Ministri z.Fikrim Damka me bashkëpunëtorë takuan një grup të bizneseve shqipëtarë qe jetojnë dhe veprojnë në Princpaten e Lihtenshtajnit ky takim u organizuar nga afaristi z.Selver Shala, ku diskutuan për mundësinë e bashkëpunimit, investimeve dhe programeve që i ofron Ministria e Zhvillimit Rajonal. Ministri z.Damka përshëndeti të pranishmit dhe ofroj gatishmëri pë bashkëpunim dhe përkrahje.

Ministri ishte i shoqeruar nga U.D.Sekretari Përgjithshëm z.Besim Kamberaj, znj.Refike Sulçevsi Drejtoreshë e Departamentit për Integrime Evropiane dhe Koordinim të Politikave, z.Ylber Çitaku U.D. Drejtor i Departamentit për Zhvillim Rajonal dhe këshilltari i Ministrit z.Ercan Silik.

Pjesë e takimeve ishte edhe znj.Sandra Ege Drejtoreshë e programit për Kosovë nga Caritasi Zvirceran.