Më datë 30.05.2024 Ministri i Zhvillimit Rajonal z.Fikrim Damka me bashkëpunëtorë takuan zyrtarët e e lartë të Swiss Development Cooperation-SDC z.Mattia Poretti Zv.Udhëheqës i Sektorit për Evropen Lindore dhe z.Lukas Rüttimann Menaxher i Programit për Evropen Lindore në kuadër të Ministrisë së Punëve të Jashtme në Bern të Zvicres. Në takim u diskutua për bashkëpunimin e deritashëm për programin MARDI dhe YENI që bashkëfinancohet nga SDC dhe MZHR dhe mundësinë e bashkëpunimit edhe në të ardhmen.

Ministri z.Fikrim Damka me bashkëpunëtorë më datë 31.05.2024 vazhduan viziten në Parkun e Inovacionit në Cyrih ku u takuan me kryeshefin ekzekutiv të këtij institucionit si dhe vizituan ambientet e parkut te inovacionit i cili konsiderohet potencial i zhvillimit.

Ministri ishte i shoqeruar nga U.D.Sekretari Përgjithshëm z.Besim Kamberaj, znj.Refike Sulçevsi Drejtoreshë e Departamentit për Integrime Evropiane dhe Koordinim të Politikave, z.Ylber Çitaku U.D. Drejtor i Departamentit për Zhvillim Rajonal dhe këshilltari i Ministrit z.Ercan Silik.

Pjesë e takimeve ishte edhe znj.Sandra Ege Drejtoreshë e programit për Kosovë nga Caritasi Zvirceran, z.Bardh Xerxa-Menaxher i Projektit YENI dhe z.Shetim Shujaku-Menaxher i Projektit MARDI.