Ministria e Zhvillimit Rajonal, më datë 19.07.2024, mbajti punëtorinë një ditore me qëllim të prezantimit të ”Realizimi i Planit të punës dhe sfidat e MZHR-së për vitin 2024” Në punëtori morën pjesë: Ministri z.Fikrim Damka, z. Elldin Uglari -zv.Ministër, z.Besim Kamberaj – ud.Sekretari i Përgjithshëm, këshilltaret politik të Ministrit si dhe Drejtorët e Departamenteve , Udhëheqës të Divizioneve dhe Njësive të Veçanta dhe zyrtarët e MZHR-së.
Fillimisht, Ministri z.Fikrim Damka falënderojë të gjithë punonjësit e Ministrisë për bashkëpunimin dhe angazhimin e lartë. Ministri theksoi që kemi arritur që për tri programet ti lansojmë thirrjet që lanson MZHR-së, janë përfunduar një varg dokumentesh e analizash që krijojnë një dokumentim solid për fushë e zhvillimit rajonal.
Ministri z.Damka gjithashtu vuri në dukje rëndësinë e punës së bërë deri më tani dhe sfidat që mbeten për t'u përballuar në vazhdimësi. Ai theksoi se përmbushja e planit të punës për vitin 2024 do të kërkojë një angazhim të përbashkët dhe bashkëpunim të ngushtë në mes të gjitha departamenteve dhe divizioneve të Ministrisë. Në fund të fjalës së tij, Ministri z.Damka shprehu besimin e tijë se me përkushtimin dhe bashkëpunimin e të gjithë stafit, MZHR-ja do të jetë në gjendje të realizojë objektivat e saj dhe të kontribojë në mënyrë të dukshme në zhvillimin dhe përparimin e rajoneve në të gjithë vendin.
Punëtoria në fjalë, u realizua mbi bazën e një axhende të ngjeshur të ndarë në dy (2) Sesione, ku në sesionin e parë sipas agjendës u realizua prezantimi i të arriturave dhe sfidave në përmbushjen e planit gjashtë mujorë të punës së vitin 2024, prezantim ky që u realizua nga z.Besim Kamberaj -zv. Sekretar i Përgjithshëm i MZHR-së.
Në sesionin e dytë të punëtorisë u realizuan prezantime për të arriturat dhe sfidat përmbushjen e planit të punës së vitin 2024 nga të gjitha departamentet dhe divizionet e veçanta të MZHR-së.
Në fundit u diskutuan aktivitete kryesore të MZHR-sësi dhe hapat e ardhshëm për v.2024 si dhe rekomandimet dhe hapat që duhet të ndërmirën në të ardhmen.
