Më datë 10 - 11 tetor 2024, u mbajt Konferenca e Parë Shkencore Ndërkombëtare për Zhvillim të Qëndrueshëm Rajonal, e organizuar nga Instituti i Kërkimit Shkencor për Zhvillim të Qëndrueshëm, Kosovë (IKSZ) e mbështetur nga Ministrisë së Zhvillimit Rajonal.
Në emër të Ministrisë së Zhvillimit Rajonal, Dr. Refike Sülçevsi – Drejtoreshë e DIEKP, mbajti nje fjalim, ku përshëndeti të gjithë të pranishmit dhe theksoi rëndësinë e kësaj konference në avancimin e politikave të zhvillimit të qëndrueshëm të rajoneve zhvillimore në Kosovë.
Tutje znj. Sülçevsi theksoi që realizimi i Konferencës reflekton përkushtimin e MZHR-së për të nxitur politikat dhe strategjitë që përfaqësojnë zhvillimin e qëndrueshëm dhe të balancuar në Kosovë dhe më gjerë. Kjo konferencë vjen në një moment të rëndësishëm për ne, pasi ajo jo vetëm që pasuron më tej punën tonë të deritanishme, por gjithashtu na ndihmon të zhvillojmë politika të reja që përballen me sfidat e tranzicionit demografik deri në vitin 2050.
Tema kryesore e konferencës ishte “Tranzicioni Demografik në 2050 dhe Politikat Rajonale”, temë e cila tërhoqi pjesëmarrjen e një numri të madh studiuesish, akademikësh, profesorësh dhe përfaqësues të institucioneve nga brenda dhe jashtë vendit.
Në këtë konferencë shkencore u nënshkrua marrëveshja e bashkëpunimit në mes Universitetit ‘’Haxhi Zeka’’ në Pejë dhe Universitetit të Rijekës Kroaci, marrëveshje e arritur fal angazhimit dhe vizitës zyrtare nga përfaqësuesit e MZHR-së në muajin Maj 2024 në Kroaci.
Dita e dytë e konferencës vazhdoi punimet sipas agjendës, përfaqësuesit nga MZHR dhe delegacioni shkencor ndërkombëtar fillimisht realizuan takim në Rektoratin e Universitetit të Gjakovës, pastaj vazhduan vizitën në Qendrën e Inovacionit “BONEVET” si dhe në fund vizituan Çarshinë e Vjetër, artizanatet dhe objektin e trashëgimisë Kulturore “Xhamia Hadumit” në Komunën e Gjakovës.
Në këtë konferencë morën pjesë: dr. Refike Sülçevsi- Drejtoreshë e DIEKP në MZHR, Prof. Dr. Armand KRASNIQI - Rektor i Universitetit Haxhi Zeka – Pejë, Prof. Dr. Tüzin BAYCAN - Universiteti Teknik i Stambolli dhe President i Komitetit Kombëtar Turk të Shkencës Rajonale –Turqi, Prof. Assoc. Dr. Ana VINUELA Universiteti i Oviedos –Spanjë(ONLINE), Prof. Dr. Petraq Papajorgji Universiteti Europian i Tiranes –Shqipëri, Prof. Ass. Dr. Dimitrios Universiteti Bujqësor i Athinës – Greqi, Prof. Dr. Marinela Krstinić NIŽIĆ Prodekane për Zhvillim Prof. Ass. Dr. Elena RUDIN Prodekane për Marrëdhëniet e Biznesit -Universiteti i Rijekës Kroaci, dhe Prof. Ass. Dr. Filip RUXHO Instituti IKSZQ –Kosovë.
