Në kuadër të vizitës zyrtare në Hungari, Ministri i MZHR-së z.Fikrim Damka vizitoi komunën Kecskemet në Hungari ku u prit nga Nënkryetarja e komunës znj.Jakabné Engert ku biseduan për mundësitë e bashkëpunimit me komunat e Kosovës dhe për marrëveshjet e binjakëzimit. Nënkryetarja e komunës znj. Jakabné Engert e njoftoi ministrin për punën e komunës, projektet dhe sfidat me të cilat ballafaqohen, ku më pas vazhduan për vizitë tek një projekt i financuar me fondet e BE-së, konkretisht Qendra për Mirëqenien e Fëmijës dhe Familjes, ku u pritën nga stafi i kësaj qendre.

Ministri Z.Damka falënderoi për pritjen dhe premtoi se do të komunikoj me komunat në Kosovë për të aranzhuar një bashkëpunim mes komunave.

Më pas Ministri Damka vizitoi një biznes të mërgatës tonë në këtë komunë me pronar z.Xhavit Çoçaj.

Ministri z.Damka ishte i shoqëruar nga Ambasadori i Kosovës në Hungari z.Delfin Pllana, z.Besim Kamberaj Sekretar i Përgjithshëm si dhe këshilltar nga kabineti dhe diplomatë të ambasadës.